الموضوع: استفسارات عن هيونداي ix 35 موديل 2015

المشاركة الأصلية كتبت بواسطة tawfikemile

ﺍﺣﺠﺰ ﻣﻦ ﺍﻟﻮﻛﻴﻞ ﻋﻠﺸﺎﻥ ﻣﺘﺪﻓﻌﺶ ﺍﻭﻓﺮ
ﺍﻟﺒﻨﺰﻳﻦ ﺍﺗﻨﻴﻦ ﻭﺗﺴﻌﻴﻦ ﻋﺎﺩﻯ ﺟﺪﺍ
ﺍﻟﻌﻔﺸﻪ ﻣﺶ ﻧﺎﻋﻤﻪ ﺗﻮﻳﻮﺗﺎ ﻳﻌﻨﻰ ﺑﺲ ﻛﺎﻥ ﻣﻌﺎﻳﺎ ﺍﻭﻛﺘﺎﻓﻴﺎ ﺍﻧﺸﻒ ﻣﻨﻬﺎ
ﺍﺳﺘﻬﻠﺎﻙ ﺍﻟﺒﻨﺰﻳﻦ ﻛﻨﺖ ﻓﻰ ﻣﺸﻮﺍﺭ ﺍﻟﻐﺮﻗﻪ ﻭﻣﺘﻮﺳﻄ ﺍﻟﺴﺮﻋﻪ 140ﻓﻂﺒﻌﺎ ﺍﻟﺎﺳﺘﻬﻠﺎﻙ ﺑﻴﻜﻮﻥ ﻋﺎﻟﻰ ﻓﻰ ﺍﻟﺴﺮﻋﺎﺕ ﺍﻟﻌﺎﻟﻴﻪ ﻛﺎﻥ ﺣﻮﺍﻟﻰ ﻣﺘﻴﻦ ﻛﻴﻞو ﻓﻰ ﺍﻟﺼﻔﻴﺤﻪ
ﻭﺍﻯ ﺍﺳﺘﻔﺴﺎﺭ ﺍﻧﺎ ﺗﺤﺖ ﺍﻣﺮﻙ

شكرا يا باشا معلش بس مدة الحجز في الوكيل أد ايه وهل بتحس بالمطبات او بتحك ؟؟ خصوصا ان العدد هيكون 5 أفراد كبار ف العربية وايه عيوبها واستهﻻكها ف المدينة أد ايه

المشاركة الأصلية كتبت بواسطة tawfikemile

متوسط استهلاكها جوا البلد ممكن تعمل 180 كيلو فى الصفيحة لو رجلك تقيلة زى
بالنسبة انها تحك انسى الموضوع دا تماما دى اهم ميزة فى العربيه دى واللى مخليانى سعيد بيها جدا
بالنسبة للشعور بالمطبات الموضوع نسبي جدا انا حسسها نشفة شويه علشان معايا تويوتا 94 بس بالنسبة للعربية الاوكتافيا انعم منها والاهم ان سحبها اعلى منها بكتير رغم حجمها الكبيرهى عربية عملية جدا لكن مش احلى حاجة مش هضحك عليك لكن ثبات لم اكن اتوقعة ولا قوة السحب جميلة جدا
مدة الحجز فى التوكيل معايا كانت حوالى شهر ونصف ولو عايز تجرب العربية تعالى نورنا فى المنصورة وانا تحت امرك وعلى فكرة الفوانيس ليدات والتوكيل محترم جدا حجزت موديل2014 واستلمت 2015موديل بدون اى اوفر

انا متشكر جدا علي أهتمام حضرتك
بس انا دلوقتي مسافر برة مصر وكنت عايز أعرف مدة الحجز عشان أحجز قبل اما اجي مصر

بس حضرتك بالنسبة للعيوب انت شايف ايه العيوب ف العربية ؟؟
وشكرا جدا علي اهتمامك بالموضوع مرة تانية

المشاركة الأصلية كتبت بواسطة tawfikemile

اهم العيوب 1صاجها خفيف جدا
2الكيك داون بتاعها حاسس انه بيحضر بسرعة اوى يعنى اى دوسة منى بحس ان الكيك داون اشتغل على طول مش عارف جايز علشان ان كنت سايق الاوكتافيا وهى بطة بلدى الموضوع عندى عيب غيرى عندة هيبقى ميزة
3 حاسس بردة ان استهلاك البنزين عالى علشان موضوع الكيك داون دة
بس على فكرة لو مشيت على 100 ك فى الساعة الاستهلاك بيجيب 6 لتر فى ال100 ك وتشغل مثبت السرعة وعيش
4العفشة طبعا مش تويوتا بس تغور النعومية مع كل حكة فى شوراعنا الجميلة
دا حتى الغردقة اللى كنت بتحاكا بشورعها بقيت مكسرة وكلها مرتفعات دا انا لو سافرت بعربية واطيه كنت اتعكننت اخر عكننة
ناقصها حساس قدام كانت تبقي فلة
غير كدة العربية بجد ممتازة جدا وواسعة عن الاوكتافيا كتير والتكيف وهمى وخصوصا انى جايب الفئة الاعلى والتكيف الكترونى وعلى فكرة سالت عن قطع الغيار الارخص فى الفئة دى والاهم بالنسبة ليا التوكيل قريب مني فى كل حتة بروحها لو عايز تطمن على حاجة بعينها اسال وميهمكش جايز اكون مش واخد بالى من حاجة وعلى فكرة العربية انا عامل بيها 2000 ك بس لكن عملت بيها مشاوير حلوة ومشيت فى طرق مدغدغة كتير ومرتفعات برتو السخنة ومنحنيات الزعفران والعربية مزعلتنيش

ههههههههه الاوكتافيا بطه بلدي فعلا في الطلعه وموضوع انك حاسس بأن العربيه دايما بتعمل كيك داون عشان كنت راكب الاوكتاافيا وهي اصلا تقيله في الدوس
انا برضو بحس ده في الالنترا لاني كنت دايما بسوق عربيه بابا اللي هي الجيتا ودي تقيله بس ارحم من الاوكتافيا عشان الفتيس عندنا dsg
ربنا يبارلك في العربيه ويحفظها من شوارع مصر