الموضوع: دي مش مجرد صور عشان تقول دوول " شويه سرسجيه "

الواد الى فى الصورة بدقن مش يمكن يكون اخوان وبيجسد معاناة المعتقلين بالتمثيل التجريدي وعرفت منين انهم دكاترة ومهندسين مش يمكن مندسين

انا لله وانا اليه راجعون
بعد معاهدة السلام مع اسرائيل بملاحظة الامور الحياتية تم التاكدانه بدأ تغيير الاوضاع بالبلد وتم وضع خطة محكمة لاخراج جيل مائع ومروض من الشباب مسخ لاارادة له
لاانتماء وطنى له وتم توجيهها للاندية فقط وبث الفرقة بينه حتى لايطلع جيل مقاتل صلب
لايفكر فى مقاتله عدوه اسرائيل مع اقناعه ان دول ولاد عمنا وحبايبنا كمان
لدرجة وجدنا الالاف منهم يتزوج اسرائليات ويعيش فى اسرائيل
تم خلق جيل ضائع لاقدوة حسنة له وتم اعدام مقدراته قبل ان يشب ويكبر
لاتربية دينية فى المدرسة =الاب ملهى فى عمل اضافى عن اولاده
الانفتاح الاقتصادى وهدم مقدرات البلد وبيع كل شركات ومصانع القطاع العام لصالح فئة مستغلة
مرتبطة بنظام فاسد فاصبحت مقدرات البلد فى ايد خسيسة همها الكسب الحرام وبالتالى لايجد الشباب فرصة عمل
اصبحت مصر اكبر غسالة لغسيل المال الحرام لدرجة انه تم ضبط مواد مخدرة وفياجرا مهربة فى براميل لخامات مصانع ابو العينين وطلع منها براءة ده غير مالم يتم ضبطه
المصيبة الاكبر سيل القنوات الفضائية التى ظهرت فجأة هى من قضت على باقى القيم الاصيلة فى النشأ واصبح القدوة الحسنة اما رقاصة او لاعب كرة او ممثل مختث ويتم تقديم ده باقذر الاساليب لجذب الشباب كما فى ستار اكاديمى لبث مفاهيم غربية فى عقول الشباب واصبحنا نشاهد بنات وصبيان نايمين فى مكان واحد ونرى مايفعلون على الهواء منتهى المسخرة وغيره
والدولة كمان صرحت بدخول طوفان من اجهزة الريسفر لاستقبال هذه القنوات وغيرها لدرجة اصبح ثمن الريسفر سبعون جنيها والادهى انك تجد ان القنوات الجنسية المشفرة فى اوربا تجدها مفتوحة فى المنطقة العربية ضمن خطة النظام مع الغرب لضرب الشباب فى مقتل واستنزاف طاقاته اضافة الى كم المخدرات وحبوب الهلوسة الهائل تحت بصر الحكومة
وتم على محور اخر استنساخ جيش ايضا معوق زهنيا وقتاليا قتم التخلص من القادة الشرفاء الذين قاتلوا بشرف دفاعا عن وطنهم واصبح لديه عقيدة قتالية وتم تسريحهم واستبدالهم باخرين فبدلا من توجيه طاقة الجيش لفنون القتال واعداد القوة اللازمة لارهاب العدو وجدنا هم يقيمون مصانع للمكرونة والجبنة واكياس البلاستيك ومزارع للبقر والجاموس ومزراع للكوسة والبازنجان وفوجىء الشاب عند تأدية الخدمة العسكرية الوطنية انه بدل ان يتعلم فنون القتالو حمل السلاح وجد نفسه يعمل بالسخرة فى مزارع ومصانع قادة الجيش وكمان ياخد هو ملاليم بينما المكسب يصب فى جيوب القادة والدولة لاتحصل منهم ضرائب ولا تعرف اى شىء عن هذا المال واصبحت هذه المشاريع تدار كالتجارة السرية كتجارة المخدرات بالاضافة لميليارات المعونة الامريكية التى تصب فى جيوب القادة ولا احد يعرف اين تذهب غير مايقتطع من مليارات من دم الغلابة لتخصيصها للجيش
وتم انشاء نوادى وفنادق عسكرية فخمة لضباط الجيش لتحقيق الرفاهية حتى العسكرى الغلبان مالوش الحق فى دخولها ده بقى غير الاراضى والقصور والفيلل الاببلاش حد سمع عن جمعية عرابى على طريق مصر اسماعلية كل اعضاءها مستشارين ولواءات وطبعا يخرج الشاب من الجيش فاقد لانتماء حب بلده ونزعه الدفاع عنه بروحه
وعندما ثار المجتمع ومعه الجزء الواعى من الشباب ماذا كانت الحصيلة التخلص منهم اما بالقتل عينى عينيك كما رأينا البلطجية يفعلون تحت حراسة الشرطة والجيش او بالاعتقال وتلفيق التهم لارهاب باقى الشعب ومنعه من التخلص من الفئة الفاسدة وتحقيق عدالة وتنمية حقيقية وان تعود مقدرات الشعب له وتخليصها
فى رايى ان الشباب بيعمل كده للفت الانظار احتجاجا على اهمال مشاكله واحساسه بالضياع وعدم وجودامل لحياة افضل تم وأدها قبل ان تولد انها صرخة تفضح ماال اليه مجتمعنا من فساد وهوان
لعلنا نفوق وتعود الامور لنصابهابتحقيق العدل والمساوة فى كافة الحقوق والواجبات لافراد المجتمع دون تمييز وده ابسط الحقوق

واقع حقيقی
باختصار .. الاعلام .. النسبة تقريبا 95% يقدمون اعلام فاسد من خلال البرامج و المسلسلات و الافلام
نشر قيم سلبية هدامة باسم الفن .. علی سبيل المثال وليس الحصر شهر رمضان وما كان فيه من كل شیء
نيجی بقی للمواطن الذی يتلقی كل ثقافته و علمه و اخلاقه و دينه و حياته من الاعلام.
وبعد كده نيجی نقول الوضع كويس.. لا الوضع زی الزفت.
لابد من اصلاحات فعلية لو عايزين نلحق الاجيال القادمة.

المشاركة الأصلية كتبت بواسطة mk3

الله يفتح عليك. مقال ولا اروع ويجسد حاله عامه
حضرتك اللى كاتبه ولا منقول

لا للامانه منقول بس عجبنى وحبيت اشارك بيه

المشاركة الأصلية كتبت بواسطة ahmedsrs

الواد الى فى الصورة بدقن مش يمكن يكون اخوان وبيجسد معاناة المعتقلين بالتمثيل التجريدي وعرفت منين انهم دكاترة ومهندسين مش يمكن مندسين

الناس ديه بالتحديد كان نازل ليها مقاله فى اليوم السابع وبقوا مشهورين على السوشيال ميديا جدا

انا بقعد فى بلاى استشن مع صحابى واتفرجت على الانهيار الحقيقى
مجموعات من الشباب كلهم طب وصيدله وهندسه المفروض صفوه المجتمع
بتوع الصيدله بيظبطوهم برشام الله اعلم ايه بس بيعمل معاهم دماغ(غير التدخين والحشيش بس بره المكان)
الاغانى اللى بيشغلوها موالد زى بتاعت التكاتك بالظبط منتهى الانحطاط
شتيمه والفاظ بزيئه
مفيش مراعه للمكان بيقفو على الكنب بجزمهم ولما صاحب المكان كلمهم قلوله ايه يعنى حنمسحها(اللى قال كده دكتور وقعد فتره فى امريكا)
بيحاولو يخسرو صاحب المكان بتعامل عنيف مع الدراعات والاجهزه
انطباعى عنهم شويه همج فى صوره اطباء وصيادله ومهندسين
اقسم بالله لما كنت فى الكليه دفعه2000 كنت بحب جدا اقعد مع زملاءى اللى فى طب كنت بحس بمستوى فكرى وثقافى عالى وبستفيد من قعدتهم جدا