مشكلة فتيس صني 2012 و رفض الضمان تغيرة

**mikwilliam** · 30-07-2014 03:29 PM

في البداية دي شكوة ارجوكم مساعدتي في حلها.
عندي نيسان صني الشكل القديم محتاجة فتيس اوتوماتيك و هي لسه في الضمان و عاملة 20,000 كيلو بس !
انا مهندس ميكانيكا و فاهم منظومة الجير الاوتوماتيك كويس . المشكلة بدأت في شهر ابريل لما اجيب ال D يحصل هبدة و رجة في العربية (Valves or Torque Convertor) و بعدين بين النقلات كلها بسمع صوت احتكاك. روحت مودرن موتورز الاسكندرية و فضلت اكلم المهندسين هناك و كلمت فرع الشكاوي و مفيش ادنى اهتمام لمده شهر. روحت على احمد مرعي حدد ان الفتيس لازم يتغير و طلبوه و لسه مجاش. فضلت شهر و نص اعمل اتصالات و شكاوي و مفيش حد سأل فيا مع ان معايا تقرير رسمي مختوم منهم انها محتاجة فتيس. بعد الشهر و نص قالواي حنعملك عمرة فتيس. انا رفضت طبعا. انا مستني من شهر و نص ان الفتيس يوصل و بعدين عايزين يشتغلوني.
كلمت المصنع اشتكيت و فضلوا يضيعوا الوقت. ده غير انها محتاجة بلية عجل و صرة عجل امامي غير متوفرين حاليا و محدش يقولي ازاي توكيل معندوش.
ارجوا منكم اعطائي حل لأني لما بقولهم حعمل محضر و اروح حماية المستهلك مبيهمهمش.
اسف للاطالة... شكراً

**mohamedsalah84** · 30-07-2014 03:31 PM

اعمل محضر فى القسم و عليك و على حماية المستهلك حيجيبولك حقك باذن الله

**Ahmed Saad** · 30-07-2014 03:37 PM

فعلا اعمل محضر وروح حمايه المستهلك اعمل شكوى وقول انك متضرر بسبب العطله وسببتلك خسائر مادية وكده كده نيسان مسجله آداب في حمايه المستهلك يعني هتتظبط هتتظبط وان شاء الله حقك يرجعلك

**mikwilliam** · 30-07-2014 03:47 PM

استاذ محمد صلاح شكرا على الرد :)
Hitmangate انا فعلاً قلتلهم حعمل محضر و شكوى في حماية المستهلك قالولي حقك اتفضل :)

اعمل ايه طيب لناس مفيش عندهم حق العميل برغم ان كل الصيانات معمولة عندهم

**Ahmed Saad** · 30-07-2014 05:19 PM

ياباشا نيسان ايجيبت كل يومين تلاته رايحه جايه علي جهاز حمايه المستهلك بسبب الصني الجديده اللي فيها عيب في الفرامل فمابالك فتيس اوتو في عربيه لسه في الضمان وصيانتك عندهم هما علي فكره بيبينوا انهم مش هاممهم بس اعمل محضر وشكوي واتمسك بحقك هتلاقيهم بيتحايلوا عليك علشان يعملولك اللي انت عايزه وتحط رجل علي رجل وهما هيتصلوا بيك يبوسوا رجلك جرب وشوف النتيجه وعلي فكره الموضوع مجرب كتير من اعضاء هنا في قسم نيسان وانت موقفك جامد وليك حق وهتاحده باذن الله

**Eng . megoo** · 31-07-2014 02:27 AM

اوعه تعمل الاختراع اللي اسمه عمرة فتيس ده عربيتك فب الضمان اقرفهم و خد حقك

**Msanad** · 31-07-2014 10:46 AM

اعمل شكوى فى حماية المستهلك - هغيرولك الفتيس على طول

**mikwilliam** · 31-07-2014 12:33 PM

المشاركة الأصلية كتبت بواسطة eng . Megoo

اوعه تعمل الاختراع اللي اسمه عمرة فتيس ده عربيتك فب الضمان اقرفهم و خد حقك

انا اصلاً رفضته و مش حرضى الا بالتغير.
شكراً للاهتمام

**mikwilliam** · 31-07-2014 12:35 PM

المشاركة الأصلية كتبت بواسطة msanad

اعمل شكوى فى حماية المستهلك - هغيرولك الفتيس على طول

تفتكر حيخافوا من حد يا استاذي ؟ دول مديني تقرير مختوم ان "السيارة تحتاج الى فتيس" و يقولولي بعدها بشهرين حنعمرلك القديم

**theblackpirate** · 31-07-2014 02:26 PM

سؤالين لو سمحت عشان انا عندى نفس المشكله بتعتك موديل 2013 الشكل الجديد
اولا التوكيل دلوقتى اخر كلام قالهولك هيعملك عمره ومش هيغير الفتيس ولا هيغيرلك الفتيس بس هو لسه مش متوافر حاليا
ثانيا : انت بتمشى بالعربيه ولا ركنتها خالص عشان انا عندى تسريب زيت من الفتيس ولسه مسمعتش الاصوات اللى حضرتك قلت عليها فمفروض اقف وممشيش بيها ولا امشى عادى