محتاج نصيحة بخصوص تركيب تكييف للشاهين

**MEDOMAN2006** · 30-07-2014 04:58 PM

السلام عليكم ياشباب المنتدي الجميل
أنا معايا عربية شاهين 2001
1400 سي سي
وعاوز أركبلها تكييف
أنا عاوز إيه رأيكم
هل الموضوع ده فاشل ولا هيبقى تمام
ولو تمام أركبه فين في القاهرة وماركته إيه وبكام ؟؟

مستنى ردودكم
وشكراً

ممنوع استخدام اللون الأحمر إلا فى المداخلات الإدارية
وتم تغيير العنوان ليناسب محتوى الموضوع
طبقاً لقواعد المنتدى
مشرف ب 5

**hamo81** · 30-07-2014 05:18 PM

انا رأيي الشاهين حتى لو 1600 التكييف ملهوش لازمة المشكلة مش في التكييف المشكلة في تقفيل العربية وتوزيعة التكييف مش كويسة ومهما كان الكباس قوي مش هيسقع العربية
انا كان معايا دوجان 94 ماتور 1600 والتكيف كباس ساندن ياباني ولا عامل أي حاجة تحسه يدوب مروحة مش أكتر

**Ahmed Saad** · 30-07-2014 05:32 PM

من رايي موضوع تركيب التكييف علي عربيه مش مجهزه غير مجدي في ناس بتركب سيستم ساندن ياباني في حدود 3000ج بس زي العضو الفاضل قال بيبقي ضعيف ده غير هيبقي محمل علي الموتور لانه 1400 فلو عايز تكييف اوي بيعها وجيب حاجه مكيفه افضل او تعايش معها علي كده

**ahmedalaahosny** · 30-07-2014 06:55 PM

مافيش حاجة تتقال بعد اللي قالوه السادة الاعضاء بس احب اضيف حاجة مشكلتك ف تركيب التكيف اولا واخيرا تصميم العربية دي لانه بدرجه كبيره تصميم الفيات ١٣١ يعني تصميم سبعينات فده هيعملك مشكله ان الابواب هتسرب الهوا من جوا البارد ومن بره صهد فبكده مش هتحس بالتكيف غير توزيع الهوايات ف التابلوه وتصميمها خلي مهمه التسقيع صعبه وزي ماتفضل احد الاعضاء وقالك انك هتحس انه مروحه مش اكتر

**ahmedalaahosny** · 30-07-2014 07:03 PM

وبرده قبل ماانسي لو هتركب تكيف يبقي لازم هتشيل الصالون الاول وتركب عوازل حرارية ف العربية بالكامل وخاصة الحته بتاعه التابلوه دي لغاية الدواسات الحتت دي بيطلع منها صهد رهيب من الموتور صيف وشتا حاجة بشعه وطبعا هتعزل الابواب والجلد بتاعها