مركز العباسية و لا أبو رواش لصيانة الـ 1000 لـ ياريس 2015..!! رجاءا المساعدة العاجلة

**Caesar Ramiro** · 30-07-2014 06:05 PM

السلام عليكم... و كل عام و الجميع بألف خير و سلامة..

لو سمحتم يا جماعة أنا علي أعتاب الـ 1000 كيلو بالياريس و كنت عايز أعرف أعمل أول صيانة فين..؟؟ مركز العباسية و لا أبو رواش..

مع العلم إنى من المنوفية و العباسية هتبقي أيسر ليا بكتير عن أبو رواش.. و أنا أعرف إن أغلب الناس بتشكر ف المركزين..

الفكرة اني كمان حابب مع الصيانة.. أركب الفوج لايت للعربية.. و وحدة رفع للزجاج.. فأي مكان شايفينه أفضل من حيث الحرفية و توافر الحاجات اللي عايز أركبها دى..!!

أرجوكوا ساعدونى.. أنا غالبا هعمل الصيانة بعد العيد مباشرة..

و أيه نصايحكم ليا للحاجات اللى أعملها هناك و آخد بالى منها و أسأل عليها و الورقيات و الكلام دا كله...

شكرا لكل من يساعدني و لو بنية طيبة :)

السلام عليكم...

**WAEL .H** · 30-07-2014 07:05 PM

مركز ابو رواش كان واخد ترتيب عالمي على مستوى تويوتا من كام سنة
بس رأي ان صيانة الالف ما بيعملوش فيها حاجة مهمة فالعباسية يقوم بالغرض

**Caesar Ramiro** · 30-07-2014 07:56 PM

المشاركة الأصلية كتبت بواسطة wael .h

مركز ابو رواش كان واخد ترتيب عالمي على مستوى تويوتا من كام سنة
بس رأي ان صيانة الالف ما بيعملوش فيها حاجة مهمة فالعباسية يقوم بالغرض

أشكرك يا عزيزى علي الاهتمام.. و بخصوص اني عايز أركب الفوج لايت و وحدة رفع الزجاج.. العباسية يكفي بردو..؟؟

**Caesar Ramiro** · 30-07-2014 09:14 PM

يا جدعان الخط الساخن بتاع تويوتا مش شغااااااااااال 16550
و جربت أرقام كتيرة أرضي لأبو رواش و العباسية... بردو كلهم مش شغالين.. الرقم غير صحيح أو غير موجود بالخدمة..!!
و العربية خلاص عاملة 920 كيلو...!!!

**S O P H O S** · 30-07-2014 09:38 PM

يمكن اجازة علشان العيد

**yahya157e** · 31-07-2014 09:47 AM

اطلب 16550 وخليك منتظر انا اتصلت واستنيت حوالى 25 دقيقة عقبال حد رد عليا

**Caesar Ramiro** · 01-08-2014 04:21 PM

المشاركة الأصلية كتبت بواسطة yahya157e

اطلب 16550 وخليك منتظر انا اتصلت واستنيت حوالى 25 دقيقة عقبال حد رد عليا

المشكلة يا عزيزى إن الرقم و خاصة الخط الساخن.. بيدينى غير صحيح أو غير موجود بالخدمة.. و الكلام دا من ساعة ما جبت العربية ف أول رمضان..!!

**Caesar Ramiro** · 01-08-2014 04:25 PM

المشاركة الأصلية كتبت بواسطة s o p h o s

يمكن اجازة علشان العيد

الخط الساخن من ساعة ما جيبت العربية و هو مرفوع من الخدمة أو غير صحيح.. من أول رمضان..!!

**S O P H O S** · 28-08-2014 06:16 PM

المشاركة الأصلية كتبت بواسطة caesar ramiro

الخط الساخن من ساعة ما جيبت العربية و هو مرفوع من الخدمة أو غير صحيح.. من أول رمضان..!!

والله يا باشا معاك حق
انا لحد من اسبوع اكلهم كل يوم 4 مرات كل مرة فوق نص ساعة انتظار
لحد ما كلمت الشكاوي وكذا مرة كمان
بصراحة خدمة سيئة جدا

**80_Racing** · 31-08-2014 10:44 AM

يا باشا ليا عندك إستفسار بعد إذنك ....
هوالكوريك اللي تحت الكرسي في العربية ليه غطاء ولا لأ .... في الكتالوج ليه غطاء بس أنا لقيته في عربيتي بدون ..
وألف شكر وآسف للإزعاج .