خشونة بلي الفتيس في a516

**Alaa Awaad** · 31-07-2014 12:14 AM

السلام عليكم و رحمة الله و بركاته

أولا كل عام و أنتم جميعا بألف خير

عندي مشكلتين في العربية

المشكلة الأولى هي خشونة بلي الفتيس

أنا تقريبا بغير بلي الفتيس مع كل غيار زيت

أمشي 5000 كيلو يبدأ صوت الخشونة يطلع و يزيد جدا لدرجة إن لو حد معاك في العربية بيكلمك مش هاتعرف تسمعه

جربت كذا نوع بلي و برضه نفس المشكلة, فهل في حد صادف المشكلة دي و عرف حلها حل نهائي.؟

ولا الأسهل إني أجيب فتيس إستيراد, و لو ده الصح, ألاقي فتايس عند مين, و يا ريت حد في الحرفيين في القاهرة و سعره في رينج كام؟

المشكلة التانية العفشة و المساعدين اللي برضه تقريبا بغيرهم مع الزيت

جربت أنواع كتيره من الأصلي لمونرو للحاجات الكوري و كله شبه بعضه, بس المونرو أكتر مساعدين عاشت معايا بس برضه ماطولتش

فهل في ماركة ثوية أو مساعدين لعربية تانية تركب عليها و تستحمل مع العلم إني سواقتي معقولة ماباكلش مطبات كتير بس ساكن في العبور فالشوارع أصلا عندي مكسرة

و شكرا مقدما

**hugan** · 31-07-2014 01:46 AM

الفتيس كله بيعمل 600 جنيه
العفشه اشتري عفشه لانسر كامله استيراد وركبها

**raafat_raslan** · 31-07-2014 02:46 PM

اتصل تليفونيا بالناس ديه كانوا عاملين اعلان ان عندهم قطع غيار الاسبرانزا استراد و اسالهم على اللى انت عايزه و اعرف السعر ده اذا لم يكن نشر الاسم و العنوان مخالف لقواعد المنتدى
مؤسسة الشيخ عبدالله الدولي لقطع غيار السيارات..
الزقازيق.طريق هريه الجديد قبل المزلقان.
للتواصل يرجي الاتصال علي الارقام الاتيه :
الشيخ عبدالله : 01220235363
أ.محمد عبدالله :01272025213

**Alaa Awaad** · 31-07-2014 03:33 PM

شكرا أستاذ رأفت بس المشكلة إنهم في الزقازيق
مافيش حد في القاهرة؟

**hugan** · 31-07-2014 11:09 PM

المشاركة الأصلية كتبت بواسطة alaa awaad

شكرا جدا أستاذ هوجان على المساعدة السريعة

طيب أجيب الفتيس من فين؟

و العفشة كذلك و سعرها في حدود قد إيه, هل بغير كل حاجة في العفشة ولا حاجات معينة بس؟

الفتيس هاتلاقيه استيراد في الحرفيين
شيكو اشهر واحد ممكن تشوف ابنوب في الاميريه امام مستشفي الزيتون
دا اشهر واحد بيسقط مواتير هاتلاقي عنده كميه كبير ه من الفتايس
العفشه تقريبا بتعمل 2500 جنه كامله
في الحرفيين
هاتغيرها بالكامل
مساعدين بالسوست بالمقصات بالبارات
هاتشيل كل اللي عندك وتركب مكانه لانسر
عدا علبه الدركسيون