اسئلة بخصوص حجز الكورولا 2015

**wwwhalawa** · 31-07-2014 07:31 PM

انا رايح بعد اجازة العيد -ان شاء الله- عشان احجز الكورولا 2015 من فرع التجمع وكان عندي بعض الاسئلة :-
1 - هل كل الالوان موجودة بالعرض عشان اشوف على الطبيعة لأني لسة محتار في اللون لحد دلوقتي ؟
2- هل في الوان معينة بيتأخر فيها التسليم ولا كله زي بعضه ؟
3- هل بيتحدد ميعاد للتسليم ولا بيتصلوا يقولوا انها وصلت ولو مفيش ميعاد محدد المفروض اروح استلم خلال قد ايه عشان لازم ابيع عربيتي الاول ؟
4 - هل لون التابلوه اجباري بالنسبة لكل لون ولا في اختيارات ساعة الحجز ؟
5 - لو الالوان ثابتة عايز اعرف ايه الالوان اللي التابلوه بيكون اسود فيها عشان احدد اختياراتي ؟

**mashy45** · 31-07-2014 11:12 PM

انا اشوف انك تشتريها كاش من اى معرض وتريح نفسك من وش الوكيل انا اشتريتها لون فيراني جميل الفئة التانية ب195 الف وربنا يوفقك

**bassem.naguib** · 01-08-2014 09:08 AM

http://www.nilemotors.net/Nile/380276-2014.html

الموضوع ده فيه كل الاجابات اللي أنت عاوزها ومعلومات ممكن متنكش تعرفها ..

**abofandy** · 01-08-2014 06:23 PM

تعال نحلل اسئلتك واحدة واحدة كدة /
الفئة التانيه الى التابلو فيه اسود هما
الابيض التلجى
الابيض اللولوى
الفيرانى
الفضى
الاسود

مش شرط تلاقى كل الالوان فى صاله العرض لان صاله العرض بالكتير اوى ممكن تلاقى واحدة او اتنين كورولا موجودين فى صاله العرض لكن موجود جوة تقريبا معظم الالوان بس مش هتقدر تشوفهم لانهم بيبقى عليهم تراب ومش هيرضوا يدخلوك جوة .. ممكن تشوف معظم الالوان للناس الى بتعمل صيانات وكدة هتلاقى معظم الالوان وبعدين حضرتك محدد اختيارك فى التابلو الاسود فان شاء الله تكون الاختيار محصورة

مدة الحجز ع حسب توافر اللون ممكن تستلم فى اسبوعين كحد ادنى او شهر ونص كحد اقصى ع حسب توافر اللون .... اللون الوحيد الى فية عجز وممكن تنتظره فتره هو الابيض ( سواء اللولوى او التلجى )

اتمنى اكون رديت ع كل الاسئلة ولو فية حاجة تانيه انا تحت امرك