مقبل على شراء افيو 2014 ..هل فيه شكوى منها؟؟؟

**sameh1982elola** · 01-08-2014 01:07 AM

ان شاء الله ناوى اجيب حاجة من اتنين لانوس وافيو فقط ....وحصرت وعرفت كل الانواع التانية وقررت الافيو بس خايف يكون فيها مشاكل......ياريت الناس اللى عندها العربية تقولى الدنيا معاها ايه فى موديل افيو 2014

**OmarAdel98** · 01-08-2014 01:27 AM

لأ لأ مفيهاش اي مشاكل جوهرية غير ان الموتور سحبة زبالة من غير حاجة و لو مشغل التكييف هتلاقي 127 بتسبقك عادي و rpm بيبوظ كل فترة بسبب عدم نقاء البنزين و تقفيل زبالة و العفشة في اغلب العربيات بتحدف يمين و شمال انت و رزقك و كل شوية لازم تتربط و الصاج خفيف و القوايم اللي تعتبر جزء اساسي من دواخل العربية نظام علب مفرغة وضعيفة جدا و امان صفر و من منصور و ما ادراك ما منصور اسوء توكيل في مصر عن جدارة و تجربة
بس عربية ممتازة خدبالك تتسع لخمسة افراد بها جنوط مقاس 13 و بها انجكشن و بها 5 فرد كوتش تسلم عند الشراء
التقيلة بقى العربية تقفيل مصري و منصور ضاحك على الناس و بيقول انها كوري

**تامر.محمد** · 01-08-2014 01:29 AM

مجرد رأي
تقريبا كل العربيات اللي في فئتها السعرية افضل منها كإمكانيات و كتوكيل رغم وجود مشاكل في بعضهم

**skoda1996** · 01-08-2014 01:50 AM

في مستوي سعر اللانوس ... اللانوس كويسة و عمرها طويل
في مستوي سعر الافيو .. في اختيارات احسن

**hardmind_doc** · 01-08-2014 02:36 AM

الافيو الجديدة اعتقد فى التسعينات السعر يعنى
فى فئتها حجات بالعبيط وافضل لوجان وسانديرو و بى واى دى و اف ار فى و ام جى 3 و ميتسوبيشى اتراج وبيكانتو واى 10 و ممكن تلاقى مستعمل فى الفئة دى السيفيك والاوكتافيا 5 و اللانسر
حرام تروح لحاجة فيها شك وقدامك مليون اختيار كويس ومضمون وعيوبه محلولة