بلطجه عيني عينك

**skoda1996** · 01-08-2014 02:20 AM

السلام عليكم
النهارده كنت في كافتريا مع اصحابي حصل موقف في منتهي الرخامه
راجل كبير كان راكن عربيته و هيمشي لقينا واحد بيقوله هات فلوس عشان انا بسترزق من الركنه في الشارع ده و استغل ان الراجل معاه مراته و عيال صغيرين و بيعلي صوته عشان الراجل يتحرج و يديله
و لما الراجل رفض ... الواد ده بيقوله هاخد الفلوس بلطجه
قومت انا و اتنين اصحابي عشان نربيه و نعلمه الادب ... لقيناه بيقول الشارع بتاعي و انا اخد فلوس علي مزاجي
اضطرينا اسفين للشتيمة ... الخلاصه يعني بعد رغي كتير
صاحب العربية مشي من غير ما يدفع فلوس و الواد بيحسبن علينا و علي ظلمنا للفقرا
بس الناس دي حلها اية ؟
هل شرطه النجده هتتعامل معاه و لا هتيجي تصالحنا علي بعض و تمشي ؟؟؟؟؟

مع العلم انه حتي مش ماسك فوطه يلمع العربيات ... ده بياخد اتاوة رسمي كده

**amr011111** · 01-08-2014 02:29 AM

أحييك على تصرفك وللأسف الشرطه اصلا مش هترد على التليفون
لو ردت مش هيحصل تصالح
انت هتقول ان السايس شتمك وهوه هيقول انك قطعتله قميصه وشتمته
فاللى هيحصل انكم هتروحوا القسم وتباتوا تانى يوم علشان مفيش نيابه

**bestlove2** · 01-08-2014 02:36 AM

لسة حالا حاصل نفس الموقف معايا كنت فى فرح وراكن جنب الرصيف فوجئت بواحد جاى بيقولى بارك قلت له دا شارع وسيبته ومشيت ولما رجعت اخد العربية لاقيت الواد فوق دماغى وانا طالع بيقول يااستاذ المهم اديته خمسة جنيه زوقيا منى فوجئت الواد بيقول 10 قلت له انا مديك الخمسة منى ذوقيا مش فرده عليا يقولى دا مكانى وبسترزق منه قولته مش عجباك هاتها فوق اتخرس ومتكلمش ومشيت وبعد ما مشيت الاقيه يقولى حرام عليكوا قلت انزله لاقيت المدام بتقولى امشى عشان هتوقف الطريق وسيبك منه بس مشيت وانا قرفان انى منزلتش اضربه

**احمد المصرى** · 01-08-2014 02:43 AM

انت واصحابك رجاله بس الموضوع دا اتكرر كتير ولازم حل جوهري ليه

**HOSSAM99** · 01-08-2014 03:06 AM

النجده هاتيجي تصالحكم ....ههههههههههههههههههههههه ه

يا فاندم النجده ما بتردش علي حد
و البلطجية دول مش هايتشالو و لا الباعة الجائلين (تشلهم من مكان ينطو في مكان تاني) هي بلدنا دي كده و هاتفضل كده و مش ها تتغير إلا أن يشاء الله لها
ملاحظة: بلاش خناق مع الفئة دي نهائي و متسبش عربيتك في ركنة شديت مع عيل من العيال دي بسببها ..
ربنا يرحمنا و يتوب علينا

**Omar Mahmoud** · 01-08-2014 03:30 AM

انت و اصحابك رجالة
بس للأسف الموضوع ده من زمان في وسط البلد (سنة2008-2009) عايزين نركن لقينا واحد قاللنا خمسة جنيه قلنا ماشي لف لفة طويلة و هو اللي ساق العربية سواقة زي الزفت لحد ما ركنا صف تاني و احنا واقفين جنب العربية نلاقي واحد بيقولنا هاتوا المفتاح و الفلوس(بيسهبل) و فرجنا عليه الشارع و مشي يقول بتركنوا بفلوسنا و مخدش حاجة.

**omar312eg** · 01-08-2014 03:55 AM

الصنف ده فى كل شوارع مسر تقريبا
ويا ويلك لو ما دفعتش الاتاوه

**Ahmed Saad** · 01-08-2014 04:02 AM

جدعان وانا لو معاكو بدهر ايدي وعلي وشه دي اشكال عايزه فلوس من غير ماتشتغل وتتعب فمتستاهلش عطف معاهم

**skoda1996** · 01-08-2014 04:09 AM

شكرا علي ردودكم اللي حسستني اني عملت حاجه ليها قيمه
بس لو النجده مش هترد ... مين اللي يحمي الناس في الشوارع ؟
طب لو بنت هي اللي في موقف زي ده هيحصلها اية لو لوحدها
هي باظت و لا اية ؟؟؟؟؟؟؟؟؟؟

-

الموضوع: بلطجه عيني عينك

LinkBack

أدوات الموضوع

عرض

-

-

-

-

-

المواضيع المتشابهه

سرقة عيني عينك

سرقة عيني عينك

التاكسي الأبيض أبو عداد و سرقة عيني عينك

الكلمات الدلالية لهذا الموضوع

المفضلات

المفضلات

ضوابط المشاركة