الموضوع: بيجو 301 2014 ولا شيفروليه كروز 2014

المشاركة الأصلية كتبت بواسطة Eng_hatemfathy

السلام عليكم
بما ان حضرتك لسه متعلمتش السواقه فبالتأكيد هيبقى فى شوية اخطاء فى بداية التعليم وممكن ينتج عنها اتلاف للعربية فمن رأىى بلاش تتعلم فى عربية جديدة وغالية كده اقل خبطه هتعورك فى الافات

ثانيا مفيش مقارنه بين البيجو والكروز دى فئة ودى فئة تانيه خالص وطبعا الكروز اعلى بكتير واكبر تاريخا
لو تحب تضيف الصنى الشكل الجديد اعلى فئة هتوسع دائرة المقارنة بسعر اقل اللى هو قريب للبيجو عن الكروز
استخير وربنا يوفقك -بس رأى انك تتعلم على مستعمل حنين واصلاحه مريح زى الفيرنا والسيينا واللانوس والاكسنت القديم ولما تمشى سنه ولا حاجه وتاخد على السواقه بيع واشترى زيرو

أؤيد هذا الرأى

المشاركة الأصلية كتبت بواسطة eng_hatemfathy

السلام عليكم
بما ان حضرتك لسه متعلمتش السواقه فبالتأكيد هيبقى فى شوية اخطاء فى بداية التعليم وممكن ينتج عنها اتلاف للعربية فمن رأىى بلاش تتعلم فى عربية جديدة وغالية كده اقل خبطه هتعورك فى الافات

ثانيا مفيش مقارنه بين البيجو والكروز دى فئة ودى فئة تانيه خالص وطبعا الكروز اعلى بكتير واكبر تاريخا
لو تحب تضيف الصنى الشكل الجديد اعلى فئة هتوسع دائرة المقارنة بسعر اقل اللى هو قريب للبيجو عن الكروز
استخير وربنا يوفقك -بس رأى انك تتعلم على مستعمل حنين واصلاحه مريح زى الفيرنا والسيينا واللانوس والاكسنت القديم ولما تمشى سنه ولا حاجه وتاخد على السواقه بيع واشترى زيرو

أولاً متشكر جداً لرد حضرتك وبقية الأعضاء..

أنا فعلاً أكتر من حد قاللى موضوع إنى أجيب عربية رخيصة أخبط بيها وكده بس أنا مش مقتنع لعدة أسباب.. أولاً أنا عندى مشكلة فى المستعمل لأنى هقسط أغلب مبلغ السيارة فبالتالى الزيرو أسهلى فى التقسيط من المستعمل، ده غير إنى معنديش خبرة فى الصيانة ولا طاقة نفسية ليها والمستعمل معروف بصياناته الكتير.. بالنسبة لإنى أجيب عربية أوتوماتيك زيرو، فأغلب العربيات فى رينج 100 تقريباً، وبالتالى 100 ل150 مش فرق كبير خصوصاً فى القسط.. وإن شاء الله الواحد يخلى باله وهو سايق، ده بالاضافة لأنى هتعلم فى أى سنتر كويس وناوى إن شاء الله اتعلم الاول على مانوال مش اقل من 10 حصص، وبعدها ع الاقل من 4 ل5 حصص أوتوماتيك، ولما استلم العربية ان شاء الله اللى هستقر عليها هبتدى شهر انزل اسوق بدرى اوى أو بالليل متأخر فى الروقان وواحدة واحدة إن شاء الله الدنيا تظبط وأبقا أركز أكتر وأنا ماشى تلافياً للحوادث -وإن كان الحذر لا يمنع قدر-

تفتكر حضرتك اللى بفكر فيه ده هيكون كفاية إنى أبتدى بزيرو زى الكروز مثلاً ولا أساسى لازم أجيب حاجة رخيصة أو مستعملة ؟
ولو جبت الزيرو ممكن تنصحنى بإيه فى سواقتى ليها علشان اتلافى على قد ما اقدر الاخطاء الشائعه للمبتدئين؟

مرة تانية متشكر جداً لردودكم ووقتكم الغالى

كروز ياباشا
الـ 301 لو عاوز افضل عربية 1600 مانيوال -من وجهة نظري- بأقل من 115

غير كدة انا اختار الكروز بصراحة شديدة وبكل حيادية :)