مشاكل فتيس الاوكتافيا

**ophthalmia** · 01-08-2014 11:07 PM

السلام عليكم يا اخواني في المنتدى
الحقيقة بعد بحث طويل لشراء سيارة جديدة في الخليج ومع نية اني انزلها مصر وبالتالي ضرورة أن تكون أقل من ١٦٠٠ سي سي استقريت على سكودا اوكتافيا ٢٠١٤ ١٤٠٠ سي سي اليجانس. الحقيقة سيارة أكثر من رائعة بكل المقاييس لكن حاجة واحدة مسببة لي قلق وهي موضوع الفتيس ال dsg
قريت عن الموديلات السابقة أن vw سحبت سياراتها بسبب مشاكل في النوع ده من الفتيس. والمنطقي ان شركة عريقة زي دي لما تنزل نفس التكنولوجيا في الموديلات الجديدة يبقى اكيد حلت المشكلة دي لكن انا بحثت ومالقيتش اي معلومات تفيد إذا كانت المشكلة اتحلت والا مازالت قائمة. يا ريت يا اخواني تفيدوني بالنصيحة حول الموضوع ده يعني اتوكل على الله والا ابعد عن الاوكتافيا الاتوماتيك انا ما ركبتش غير كوري قبل كدة ومش عايز أي مشكلة تعقدني من الألماني :)

**gravedigger** · 01-08-2014 11:35 PM

متابع

**pioneerahmed** · 02-08-2014 12:15 AM

لو العربية دي الفتيس بتاعها dsg ابعد عنها احسن

**Moratoz** · 02-08-2014 12:28 AM

الوكيل في مصر غير الموتور والفتيس واصبح موتور وفتيس الفنتازيا لتجنب مشاكل الdsg

**ophthalmia** · 02-08-2014 08:06 AM

المشاركة الأصلية كتبت بواسطة sherif lotfy

لولا كثرة مشاكل الفتيس ال dsg و سمعته السيئه في مصر مكانش الوكيل رجع للمحرك و الفتيس القديم ده غير ان عند اعادة البيع مش هتجيب سعر لطيف بسبب سوء سمعة الفتيس . حاجه كمان ان استخدام بنزين ٩٢ مع المحرك ١٤٠٠ tsi بيقلل من كفائة محرك العربيه مع حضرتك و انت ماشي بيها . و على المدى البعيد ممكن يؤثر سلبيا على عمره . و طبعا بنزين ٩٥ سعره تجاوز ال ٦ جنيه حاليا .
حاجه تانيه مهمه . لو حضرتك مش معفى جمركيا (دبلوماسي مثلا) و ناوي تدخل العربيه مصر بشكل دائم مش مؤقت . لازم تسال على مبلغ الجمرك اللي هتدفعه . لان غالبا هتلاقي انك لو جبتها من مصر هتكون ارخص من تمنها في الخليج مع الجمرك .

شكرا جزيلا لرد حضرتك وارد باقي الأعضاء الكرام :)

**Ahmed Saad** · 02-08-2014 11:07 AM

على فكره المواتير ال Tsi بتشتغل 92 عادي بدون أي مشاكل لأن نسبه انضغاطها 1:10 اللي لازم 95 المواتير ال fsi بتاعت الباسات القديم ودي انضغاطها 1:12 وبالنسبه للفتيس لو انت مش نازل مصر قريب استني شويه واسأل على أعطال الفتيس بس اللي أعرفه وقريته من منتديات اجنبيه أن ال dsg في الباسات الجديده اتحلت مشاكله وخللي بالك لو نزلت بالعربيه هتلاقى جماركها قليله جدا لانها 1400سي سي ودي ميزه كبيره أن جماركها هتبقى أقل لو واحد دخل بافيو 2014 لأنها 1500سي سي وربنا يكرمك وتوفق للاصلح

**Mohamedjetta** · 03-08-2014 12:08 PM

منصحكش خالص وهتبقي غاليه جدا جدا وفتيس dsg اكتر مشاكله اتحلت وهو بس عاوز طريقه خاصه في السواقه
انا برضو عايش في الخليج وجمرك عربيتنا فولكس واجن جيتا 2011فوق 75 الف في ( جمرك الاسكندريه) لما لقينا كده رحنا رجعناها تاني
الاوكتافيا اكيد هتبقي اعلي كتير عشان 2015 او 2014 زائد الكماليات في الاوكتافيا اعلي من الجيتا ( انا بكلمك حسب الفئه اللي هتجبها)
انا ناوي اجمرك عربيتي الشخصيه النترا 2010 و مفروض ادفع 45 الف وكمان العربيه مفهاش abs بس فيها فتحه سقف ومخرج usp و aux
من الاخر جبها في مصر احسن الا اذا ناوي تجبها وتستعملها وبعدين تجمركها