عفشة السيراتو 2015 و عايز اشتري كماليات

**M.S.Taha** · 02-08-2014 01:31 AM

السلام عليكم

يا جماعة انا عربيتي لسة مكملة الألف كيلو...و العفشة بتاعتها وحشة اوي ! كل حفرة في الشارع بتتهبد فيها و على الدائري أو أي طريق سريع العربية بتتهبد مع أقل مطب هوا، ده غير بقا لو حتا اتنين ركبوا وره العربية مقدرش امشي بيها اكتر من 50 لحسن النقر تخلي الكوتشين إلي وره يخبطوا في الكارتيرة، مفيش حل للمشكلة ده ؟ أنا لسة شاريها توكيل و ملحقتش حتى افرح بيها ، الجنط مقاس 16 و هي فقة ال 164 :(

تاني حاجة يا ريت لو حد يعرف محل اشتري منه كماليات العربية ( دواست، جلد للتارة و فرش وحجات زي كدة)، بس تكون أصلي و احسن نوع ، يا ريت لو العنوان،
و شكرا

**Hosam_Optrawy** · 02-08-2014 03:57 AM

أضبط الكاوتش على 32 عشان غالبا منفوخ عندك زياده

**said.d.y** · 02-08-2014 07:18 AM

المشاركة الأصلية كتبت بواسطة hosam_optrawy

أضبط الكاوتش على 32 عشان غالبا منفوخ عندك زياده

اعتقد هيكون هو دى السبب - لان مفيش اى احد اشتكى من موضوع العفشة تماما، تقريباً حضرتك اول واحد يشتكى منها منذ نزول العربية حتى الان!!!!!!!!
ان شاء الله الموضوع هيتحل مع ضبط الكاوتش.

**mse920** · 02-08-2014 07:09 PM

انا كان عندي نفس الشكوي اول لما استلمت العربية كنت بحس باقل مطب هواء وكنت كتبت الموضوع دا وظبطت النتروجين علي 32 زي ما الاخوة نصحوني وبردو كنت بحس بمطبات الهواء جدا ....ولكن الغريب اني بعوالي اول 600 كيلو بقي احساسي بمطبات الهواء قل جدا ومش عارف هل العربية ظبطت لوحدها ولا انا اتكمنت من العربية اكتر وبقيت اعرف اتفادي اني احس بالمطبات.

**M.S.Taha** · 04-08-2014 10:30 PM

المشاركة الأصلية كتبت بواسطة hosam_optrawy

أضبط الكاوتش على 32 عشان غالبا منفوخ عندك زياده

تمام أنا هجرب اعمل كده

**M.S.Taha** · 04-08-2014 10:34 PM

المشاركة الأصلية كتبت بواسطة الجنرال

طبعا زي ما الاخوة قالو .. ضبط الهوا الاول

انا كان عندي لما يكون في ناس راكبين ورا .. بحس ان العربية واطية قوي وبتحك فى المطبات

النهاردة فى التوكيل كشفوا على الموضوع ده وقالي العفشة كانت محتاجة تربيط (قالي حاجة فى قاعدة المساعد كانت محتاجة تربيط .. عموما لسه مجربتهاش والله المستعان)

أنا ناوي برضو اروح اشوف و هخليه يكشف عليهم....أنا دهري اتقطم و بقيت ماشي بفوبيا المطبات و الحفر !

**M.S.Taha** · 04-08-2014 10:43 PM

المشاركة الأصلية كتبت بواسطة mse920

انا كان عندي نفس الشكوي اول لما استلمت العربية كنت بحس باقل مطب هواء وكنت كتبت الموضوع دا وظبطت النتروجين علي 32 زي ما الاخوة نصحوني وبردو كنت بحس بمطبات الهواء جدا ....ولكن الغريب اني بعوالي اول 600 كيلو بقي احساسي بمطبات الهواء قل جدا ومش عارف هل العربية ظبطت لوحدها ولا انا اتكمنت من العربية اكتر وبقيت اعرف اتفادي اني احس بالمطبات.

طيب بعد اذن حضرتك ، هل جربت تسوء عربية تانية , 2014 مثلا و مكنش فيها المشكلة ده ؟ انا قصدي هل كل السيراتو الجديدة كدة ؟ و لو كانت كده ، امال الناس إلي جيبه جنط 17 ماشية ازاي ؟

انا برضو الإحساس قل، بس المشكلة لسه موجودة...يا ريت لو حضرتك لقيت حل تقولي...و أنا هتابع برضه و أشوف لو في تفسير عند التوكيل، و بعتذر عن الرد المتأخر.

**Land_Cruiser** · 04-08-2014 11:17 PM

المعارض بتنفخ العجل دائماً زياده علشان العربيه يبقي شكلها كويس و عاليه و لذلك لازم تظبط الهواء في اي عربيه جديده علي الأرقام اللي مكتوبه علي قايم الباب او في الكتالوج.لو حسيا ان المشكله لسه موجوده يبقي روح التوكيل يكتشفوا علي العفشه لو مش هتفطر تستحمل الموضوع للصيانه القادمه