ردياتير الياريس

**tifa55555** · 02-08-2014 02:39 AM

السلام عليكم
انا لسه شارى ياريس 2008 من وقت قريب بفضل الله
واليوم قولت ابص على مية الريداتير زى ما كنت بعمل قبل كده مع اللادا
المهم فتحت الكبوت والعربيه مبطله وللأسف ما عرفتش حاجه
لقيت غطا كده فوق كاوتشه رايحه للموتور ولقيت غطا تانى بتاع حاجه كده بلاستيك متركبه على الريداتير واخوكم بقى مكسوف من نفسه اوى انه مش عارف حاجه المهم فتحت الاتنين وماشوفتش ميه جواهم ، مش عرف بقى هى كده طبيعى علشان العربيه مبطله ولا المفروض انى اشوف جواهم ميه
اخوكم محتاس

**Y a r i s** · 02-08-2014 03:16 AM

يا اهلاً وسهلا فيك ومعانا ... مع اني عاتب عليك. بقه يا راجل حد يسيب الادا ويركب. يارس برضوا :) عربية بلاستيك وعلى كبالين :)

بص ياباشا القربة الي فيها غطا على ايدك الشمال لمن يكون وشك للمتور دي بتاعت. مسحات القزاز ودي بتملاها جلانس .... اما القربه الي في نص المتور خلف الرديتر مباشرةً وغطسه لتحت شوية دي بتاعت الريديتر ... عامة مدام شاري العربية جديد يبقى يفضل تروح تعمل غسيل دورة مياه بالكامل في بانزينة محترمة وتحط مية خضرة نضيفة من شركة موبيل اوعه تجيب الحاجات الصيني والمصري او الي يقلك اصل دي ميه خضرة امريكي مركزة وتتخفف والكلام ده . والف الف مبروك العربية. يا باشا وربنا يديك خيرها ويكفيك شرها وتحياتي

**samehgommaa** · 18-08-2014 08:45 PM

بس اليارس بتحطله مياه حمرا ولا خضرا

**darkdefender** · 18-08-2014 11:53 PM

كل التويوتا ميتها حمرا...
و دا مش علشان هيا مية مختلفة ولا حاجة عن الخضرا بس هي تويوتا بتحب تبقي مميزة..

الموجود هتلقيها موبيل او توتال تركزهم 33.33% اللتر بحوال 22 جم

لو فضيت الردياتيير تماما بدورة السخن كمان هتاخد بتاع 3.7 لتر...

جميع اجزاء الموتور فاليارس اللمونيوم مش بيصديز..
متغسلش الردياتير في المحطة مهما حصل بمية حنفية اخطر حاجة علي اللردياتير اللمنيوم هو ترسيب الاملاح من مية الحنفية...

حاساس ان الراديتير اتحط فيه مية من الحنفية قبل كدا بتجيب حاجة اسمها رادياتور فلاش من اي بنزينة محترمة بتحط في الراديتير و تسوق العربية مشوار 10 دقائق مشغل تكييف السخن و بعد كدا تبطل و تفتح محبس الرادياتير و تسيبه براحتة علي الاخر...

تجيب 4 لتر موبيل او توتال مية حمرا و تملي واحدة واحدة...

ابعد عن غسيل بمية الحنفية دي تماما!!!

**S O P H O S** · 28-08-2014 06:45 PM

المشاركة الأصلية كتبت بواسطة darkdefender

كل التويوتا ميتها حمرا...
و دا مش علشان هيا مية مختلفة ولا حاجة عن الخضرا بس هي تويوتا بتحب تبقي مميزة..

الموجود هتلقيها موبيل او توتال تركزهم 33.33% اللتر بحوال 22 جم

لو فضيت الردياتيير تماما بدورة السخن كمان هتاخد بتاع 3.7 لتر...

جميع اجزاء الموتور فاليارس اللمونيوم مش بيصديز..
متغسلش الردياتير في المحطة مهما حصل بمية حنفية اخطر حاجة علي اللردياتير اللمنيوم هو ترسيب الاملاح من مية الحنفية...

حاساس ان الراديتير اتحط فيه مية من الحنفية قبل كدا بتجيب حاجة اسمها رادياتور فلاش من اي بنزينة محترمة بتحط في الراديتير و تسوق العربية مشوار 10 دقائق مشغل تكييف السخن و بعد كدا تبطل و تفتح محبس الرادياتير و تسيبه براحتة علي الاخر...

تجيب 4 لتر موبيل او توتال مية حمرا و تملي واحدة واحدة...

ابعد عن غسيل بمية الحنفية دي تماما!!!

طيب في بنزينات بتغسل دورة التبريد
بميه غير العادية