خلى بالك من الطريق ده ؟

**weels74** · 02-08-2014 11:43 AM

بما انى راكب سيراتوا جنط 17 وانت عارف مشكلتها مع الطرق فى مصر ,,,

فكرت اعمل الموضوع ده نحذر فيه بعضنا من الطرق والشوراع اللى حالها لايخفى عليكم الان , ( بلاعات وحفر ومطبات واصلاحات وكل الاكمنة ) اللى ممكن تقع فيها بعربيتك , مهما كان نوعها ومتناتها اكيد هتعمل مشكله ,
عشان كده اللى يعرف شارع وطريق فيه بلاعه او حفرة او اصلاح او مطب اتعمل جديد , ياريت يقولنا عليه ويحدد مكان المشكله , فى القاهر او على الطرق او فى المحافاظات كمان ,

انا شخصيا بما انى كنت فى الشرقية اجازة وراجع امبارح , انصح اى حد مايروحش الشرقية اصلا ,,,,,

اول طريق فى ( الزقازيق )

1 - خلى بالك كويس من الوصلة بتاعة من اول التجنيد لغاية الزراعة فى الاتجاهين كلها حفر كبيرة جدا وفى وسط واجناب الطريق , امشى على مهلك اوى اوى , لان الحفر اللى فيها هتعورك اكيد .

**Elawany13** · 02-08-2014 12:24 PM

الاسهل انك تقول الطرق الكويسه ده اذا كانت موجوده
ده كل الطرق تقريبا خلى بالك منها

**weels74** · 02-08-2014 12:48 PM

المشاركة الأصلية كتبت بواسطة elawany13

الاسهل انك تقول الطرق الكويسه ده اذا كانت موجوده
ده كل الطرق تقريبا خلى بالك منها

عندك حق , بس احنا بنقول اللى الحاجات اللى ممكن تعمل كوارث لكن الفشخ اللى فى الطرق ده العادى فعلا

**hossamalsadik** · 02-08-2014 03:11 PM

ده صلاح سالم والاوتو استيراد فيهم حفر بتعور برضو
يبقى طرق المحافظات عمله ازى الله المستعان والموضوع مش أكتر من ضمير الى بيشتغل فى الطرق ورؤسائهم ( حفرت حفره لشغل اقفلها ياأخى كويس )
فى حفره ونتا جى من القمر الصناعى صقر قريش رايح اول طريق المقطم والقلعه حفره بنت لزينه كسرتلى جزء من الجنط وعملتلى بلونه وعالجته والحمد لله
وصلاح سالم عن دار المركبات وقبل ملف ش أمتداد رمسيس فى حفره أقصى اليمين بتعمل بللالين خلى بالك يعنى ماتحدفش يمين أوى

**عبدالله برعى** · 02-08-2014 06:56 PM

خلى بالك كل طرق اسوان فيها مطبات وحفر ومطبات اسمنتية

**medo_31** · 02-08-2014 07:22 PM

المحافظين واخدين بالهم من الطرق الرئيسية بالمحافظات فقط علشان الشو الاعلامي لكن ما عدا ذلك اجارك الله
تحس وانت ماشي بالعربية ان هبد الحفر والمطبات بيدخل على النافوخ مباشرة ولا اجدعها جوينت

**kokowasfy** · 02-08-2014 08:38 PM

لو هتحسبها بل شوارع الى فيها مطبات و حفر يبقى متعتبش (مصر ) كلها باكملها كل شارع و كل حارة و كل طريق فية مطب انا خايف اروح البيت لاقى مطب عند باب الحمام عشان تهدئة السرعة هههه ولا القى حفرة عند الصالون ولا القى نقرة عن اوضة النوم ههههههه

**Omar Mahmoud** · 02-08-2014 09:04 PM

الدائري كله
مليان حفر من اللي هي بتخبط العربية كلها من قدام ده غير الحتت اللي طالعة و نازلة

-

الموضوع: خلى بالك من الطريق ده ؟

LinkBack

أدوات الموضوع

عرض

-

-

-

المواضيع المتشابهه

خد بالك

شلل مرورى فى الطريق الدولى بالاسكندرية بسبب قطع الطريق امام مستشفى الشرطة

خد بالك

خلى بالك

خد بالك

الكلمات الدلالية لهذا الموضوع

المفضلات

المفضلات

ضوابط المشاركة