مشكلة في إنذار صني الشكل القديم

**citadeldeath** · 03-08-2014 04:47 PM

الأخوة الأعزاء،

كل عام وأنتم بخير،

الحقيقة انا عندي مشكلة في نيسان صني 2012 الشكل القديم تتلخّص في أن الإنذار الداخلي للسيارة أو السنتر إللى بريموت إذا جاز التعبير، بيهيس؛ يعني بعد ما أغلق السيارة بواسطة الريموت وأطلع البيت بعدها بشوية أسمع السيارة تعمل صوت سرينة وإضاءة كما لو أن أحداً يحاول سرقتها. العملية ده اتكررت كتير مؤخراً، حد يعرف أسبابها وكيفية معالجتها ولو مؤقتاً.

**Eng . megoo** · 03-08-2014 05:15 PM

السلام عليكم
بص يا باشا في الغالب اللي عندك ده مش تهييس ده حساس الكبوت اللي بيشغل السارينة لما الكبوت يتفتح المهم انته لما تفتح الكبوت علي اليمين هتلاقية في صدر العربية كده كانه زرار بس راكبله كاوتشه جرب تدوس علي كذا مرة كثير 20 مثلا بس للأخر و سيبه يطلع مرة واحده و إن شاء الله هيحل المشكله لو متحلتش ممكن يكون الكبوت مش بيقفل صح و ده تجربه إزاي لما تفقل الكبوت و تشغل السنتر جرب تدوس علي اطراف الكبوت من قدام اليمين مرة و الشمال مرة لو اشتغل الانزار يبقا الكبوت مش بيقفل صح و شكرااااا

**ahmedamgad18** · 03-08-2014 06:07 PM

ممكن تجرب تشيل كابل البطارية فترة كده وتركبه تانى .... ممكن يتظبط الموضوع

**citadeldeath** · 04-08-2014 12:15 PM

المشاركة الأصلية كتبت بواسطة eng . Megoo

السلام عليكم
بص يا باشا في الغالب اللي عندك ده مش تهييس ده حساس الكبوت اللي بيشغل السارينة لما الكبوت يتفتح المهم انته لما تفتح الكبوت علي اليمين هتلاقية في صدر العربية كده كانه زرار بس راكبله كاوتشه جرب تدوس علي كذا مرة كثير 20 مثلا بس للأخر و سيبه يطلع مرة واحده و إن شاء الله هيحل المشكله لو متحلتش ممكن يكون الكبوت مش بيقفل صح و ده تجربه إزاي لما تفقل الكبوت و تشغل السنتر جرب تدوس علي اطراف الكبوت من قدام اليمين مرة و الشمال مرة لو اشتغل الانزار يبقا الكبوت مش بيقفل صح و شكرااااا

الأخ العزيز،

أنا فعلاً عملت ما اقترحته بالضبط، وربما يكون مثلما قلت حساس الكبوت هو المشكلة لأنني لم أسمعها اليوم تفعل فعلتها السابقة، وهحاول أراقب الموقف كام يوم كدة حتى أتأكد تماماً أن هذه كانت المشكلة، عموماً متشكر جداً لاهتمامك ونصيحتك