الملف مش لاقيينه...افيدوني

**dentanta** · 06-08-2014 10:19 AM

السلام عليكم
نخش في الموضوع ...جيت انقل ملكيه عربيتي السيراتو اللي اشتريتها ورخصت 3 سنين اداني تصريح 3 شهور لان الملف ضاع عندهم في المرور...مرور المحله وانا من المحله وبرخصها في نفس المرور يعني الملف ماتبعتش من مرور لمرور ده ضايع جوه في وسط الملفات والله يرحمه ليوم الدين

السؤال هنا:
1- هو انا كل 3 شهور هدوخ علي تصريح جديد ولا فيه حل تاني

2- هل ممكن تكون العربيه دي مسروقه وانا لبست

3- لو فكرت ابيع العربيه ....تقرف في البياعه ولا الناس فاهمه الموضوع ومابيعملش مشاكل

**أسامه الحسيني** · 06-08-2014 10:30 AM

ينهار
انا معايا تصريح لمده سنه بره لحين وصول الملف على كدا ممكن لما اروح الاقي الملف ضاع برده

**Sameh samy** · 06-08-2014 11:17 AM

عربيتك لو مسروقة مكانوش يسيبوك تخرج بيها برة المرور اطمن

**Sameh samy** · 06-08-2014 11:19 AM

وياريت متبعهاش غير لما ورقها يخلص لان من حق اللي اشتراها انو يرجعهالك ومحدش هايلومو

**dentanta** · 07-08-2014 11:09 AM

طب الحل اييه انا مش فاضي كل 3 شهور الف عشان اعمل تصريح جديد...اكيد فيه حل يجيب من الاخر

**dentanta** · 07-08-2014 04:31 PM

ياربت حد يفيدنا ياناس

**Land_Cruiser** · 07-08-2014 05:25 PM

جديده موضوع انه ضاع في نفس المرور و مش عن طريق نقل الملف من المرور لاخر. اعتقد انهم بعد لما يتأكد لهم ان الملف ضاع فعلا هيعملوها ملف جديد بالضبط كده زي ما حصل ايام الثوره لما حرقوا كذا مرور و فيهم ملفات العربيات. بخصوص موضوع ان العربيه مسروقه استبعد ذلك لانهم رضوا انك ترخص ثلاث سنوات فمعني ده ان العربيه فعلا كان ليها ملف عندهم بس ضاع

**mramzy** · 07-08-2014 05:42 PM

حصل معايا والملف لم يرد لم يرد وتصريح 3 شهور وفى الرابع ادونى رخصه سنه عادى

**ahmedelrayan** · 07-08-2014 06:25 PM

يا باشا الموظفين بتوع المرور ده بيهزروا المفروض اللى انا اعرفه وحصل معايا قبل كدة انى طالما برخص فى نفس المرور يبقى هما مش محتاجين الملف اصلا وكدة كدة انت بتشترى ملف تجديد ونقل ملكية وبيتعملها اصلا ملف جديد الكلام ده لو انا بنقل من مرور لمرور بيكونوا محتاجين الملف الاصلى عشام مطابقة البصمة انا من رأى تدخل لرئيس الوحدة وتشوف هيقولك ايه معملش حاجة يبقى مفيش ادامك غير ان حد من المرور ياخد فلوس ويخلص هو الليلة دى