تكييف بولو 1998

**exelence** · 06-08-2014 12:09 PM

عندى مشكلة فى تكييف بولو 1998 المروحة شغاله بس مفيش تبريد مش عارف بقى هيحتاج شحن ولا ايه النظام ؟
مين احسن واحد اوديهاله ولا مش هتفرق و اوديها لاى حد ؟
و هل فيه طريقة اقدر اعرف بيها اذا كان محتاج شحن ولا حاجه تانيه ؟
و يا ريت كمان لو عاوز اظبط الكهرباء بتاعة العربية تنصحونى بحد كويس و فاهم فى البولو.

**amoor89** · 06-08-2014 12:30 PM

لازم حد متخصص فولكس او المانى عموما لان مش اى حد يقدر يشتغل فى العربية لازم يكون فاهم
الكومبروسر بيلقط ولا محاولتش تبص عليه ؟

**exelence** · 06-08-2014 12:58 PM

بصراحه ما اعرفش ابص عليه ازاى يكون بيلقط ولا لأ بس هو اللى انا شفته ان فيه بلف ناحية وش العربية لما باضغط عليه باحس بصوت حاجه مضغوطة بتخرج منه و قلت اكيد ده الفريون

**amoor89** · 06-08-2014 01:22 PM

تمام معنى كده ان الدورة فيها ضغط عايزين نتأكد ان الكومبروسر بيشتغل ولا لا
هتدخل جوه العربية وتدور وتشغل التكييف وتبص على زرار التكييف تشوفه منور ولا لا
وبعدين تفتح الكبوت وتتتابع صوت الموتور والتكييف شغال هل صوت الموتور بيتغير يعنى بيعلى لمدة دقيقة مثلا وبعدين يهدى ولا لا

**exelence** · 07-08-2014 03:23 PM

و الله يا باشا انا معنديش زرار تكييف اللى موجود عندى هو الجزء اللى فى الصورة ده اللى حواليه مربع احمر و لما باشغله المروحة بتشتغل و مش عارف بقى فيه حاجه كده انا مش فاهمها صح ولا ايه ؟

مركز تحميل الصور