آخر أخبار مودرن موتورز

**Dr_Smart** · 06-08-2014 03:34 PM

السلام عليكم

انا دلوقتي في مودرن موتورز بعمل صيانة الsx4 ابو رواش

اخر مره رحت من سنه .. الصراحه شايف فيه تطور ماشاء الله وواضح ان الناس هناك عايزه تطور نفسها عشان تبقى قد المنافسه .. زمان الواحد كان بيحس انه داخل مصلحه حكوميه ..

أهم التطورات :
١- فصل صيانة وريسبشن سوزوكي عن نيسان وبيبنو ورشة صيانه جديده للسوزوكي بسعه اكبر من نيسان كمان .. واضح انهم عايزين يحسنو من سمعة البراند ( سوزوكي ) ويهتمو بيها اكتر .
٢- الريسبشن اتحسن كتير ( الرئيسي ) بتاع نيسان ( بس عموما كل العملاء بيقعدو فيه عادي ) اماكن الانتظار اصبحت مريحه اكتر وفيه بلاي ستيشن وواي فاي .. وبوفيه شيك وبيدو كوبون بمشروب مجاني .
٣- فيه اهتمام بالعميل وذوق في التعامل اكتر من الاول .
٤- فيه اهتمام بتوفير قطع الغيار اكتر من الاول .
٥- الخدمه اسرع واكثر تنظيما .

بشكل عام انا مستبشر خير .. وبنصح الناس اللي عندها رغبه في شراء موديلات سوزوكي الجديده زي السويفت او الارتيجا يستخير ربنا ومايقلقش من موضوع الصيانه .

هما اتأخروا كتير عن غيرهم بس الواحد لازم يقول الحاجة الايجابيه اللي شايفها .

للاسف رحت متاخر عن معادي ورفضو يستقبلو العربيه :( بس عملت عدة محاولات عشان على سفر ان شاء الله بعمل الحاجات اللي لا يمكن تأجيلها على الأقل .

ربنا يوفق الجميع للخير ويكفينا شر الطريق

**elsharkawy20** · 06-08-2014 03:49 PM

ممكن لو حضرتك روحت تانى تصورلنا جدول اسعار قطع غيار السويفت ؟

**omar_saad** · 06-08-2014 03:59 PM

بروح يمكن كل شهر او شهرين -- هما هما -- مفيش جديد --- سيبك من المنظر -- يكفي اني مثلا روحت حوالي 6 مرات سواء في الفرع ده او فرع الهاكستب عشان صوت في العفشة -- و برده مش عارفين يصلحوه -- و علي فكره -- بيسمعوه

**bondokk** · 06-08-2014 11:39 PM

انا دايما باروح الهايكستيب ،، الخدمه ممكن نقول جيده ( بناءا على كل المواقف والاعطال اللي عملتها هناك في اكتر من عربيه)- يمكن استراحه العملاء مش اد كده بس المشاريب كلها مجاني :b4_237: