الموضوع: تجربتى مع بنزين 80

ازيكوا ياشباب عاوز اقولكوا على تجربتى مع بنزين 80 وتقولولى اى رأيكوا .
معايا نيسان صنى 2009 اتومتيك

انا من اول ماالبنزين اسعارة غليت وبدأت اقرا عن الفروق بين انواع البنزين 80 و 92 و 95
المهم اللى فهمتوا ان االفرق ف رقم الاوكتان وفترة الاشتعال والفرق ملوش اى علاقة بنسبة الشوائب والقصص بتاعت ان بنزين 80 بيسد الرشاشات علشان الشوائب فية عالية .

المهم قريت برضوا ف مواضيع كتير هنا ف المنتدى وف منتديات تانية وكانوا بيقولوا انك لو استخدمت 80 وسمعت اوقات صوت فرقة او خبطة ف الموتور اللى هو اسمه ((التسقيف ) يبقا مينفعش تستخدم 80 ولو محصلش التسقيف يبقا عادى استخدم 80 مفهوش مشكلة بس مع بعض الاحتياطات يعنى كل فترة تغير فلتر البنزين كل كام تفويلة تحط منظف للرشاشات ...كدة يعنى ..

المهم قولت اجرب استخدام 80 ....اول مرة كان معايا ف التانك حوالى 10 لتر 92 فحطيت علية 10 لتر 80 ومشيت بية لحد مبقاش غير حوالى 5 لتر ولا حاجة المهم روحت فولت 80 ومشيت بالعربية وفضلت مركز كل مااخرج بيها علشان اسمع صوت التسقيف دة مفيش اى صوت ظهر ..

ومفيش اى تغيير ف العربية لا ف سحب ولا تكييف ولا اى حاجة .
المهم فولت تانى مرة 80 وحسبت اللتر بيعمل كام كيلو لقيتة بيعمل 10 كيلو
قبل كدة مع بنزين 92 كانت بتعمل 11 كيلو ل 12 كيلو لكل لتر

بس دلوقتى بقيت احسن ان سحب العربية بقا ضعيف شوية بس وصوت الموتور بقا عالى شوية

عاوز اعرف رايكوا اكمل مع بنزين 80 ولا هيحصل حاجة مع الاخذ ف الاعتبار الفارق الكبير ف السعر والتوفير

شايف ان الي هيتوفر
هيتدفع قدام