الموضوع: نصيحه بخصوص قطع الغيار الاستيراد ■

المشاركة الأصلية كتبت بواسطة ayman hamdy

وعليكم السلام ورحمة الله وبركاته
مين اللى قال بس ما دام الفيكترا بى اتوقف تصنيعها من عام 2002 يبقى كل قطعة فيها مستخدمة لمدة 12 سنة الكلام دة موجود بس فى مصر
لحد دلوقتى الديلر او التوكيل هنا فى هولندا لسة عنده قطع غيار فيكترا بى وحتى التوكيل فى مصر عنده قطع الغيار دى ومتوفرة ولا زالت المصانع المنتجة لقطع الغيار للسيارة المذكورة تنج حتى الان فى كل اوروبا وانجلترا وامريكا الجنوبية واستراليا
على سبيل المثال انا هنا فى هولندا منذ اكثر من 12 عام وركبت تقريبا عدد لابأس به من العربيات
النظام هنا فى كشف دورى سنوى اسمه apk واللى بيقوم بعملة عدة مراكز صيانة معتمدة من وزارة الدخلية او[ المرور عندنا ]مش زى عندنا كله فى المرور والرشوة تشتغل
الكشف دة شديد جدا ولايمكن اى عربية انها تفلت منه
فحص كامل لكل اجزاء السيارة الداخلية والخارجية ولو فى شئ مستهلك بنسبة تعدت ال50% لازم تتغير
والتغيير هنا مع معظم الناس من التوكيل وقطع غيار اصلية علشان تعيش ومتسببش مشكلة لصاحبها مع الكنترولات اليومية الموجودة على الطرق والغرامات الباهظة اللى بتدفع هنا
لذلك الapk مينفعش يركب حاجة اى كلام او من التقطيع [ الاستيراد بلغتنا ] غير فى حدود ضيقة جدا لان لو حصل كنترول على الطريق بيفحص العربية ولو لقى حاجة بايظة او شكلها مستهلك زى الكاوتش مثلا غرامة 350 يورو فالكل بيخاف يركب حاجة متعودش معاه ويرجع ياخد غرامة جامدة دا يا راجل بيحطو جهاز فى الشكمان ويشوفو نسبة التلوث من العادم ولو طلع زيادة ودة من علبة الكتالايزر يقولك مغيرتهاش ليه غرامة 250 يورو ولو عربية ماشية بتطلع دخان ولو بسيط لازم الدورية توقفوا وغرامة كذلك
الخلاصة عايز اقول ان العربيات اللى بتيجى استيراد من برة قطع غيارها مش بقالها 12 سنة متغيرتش او اتغيرت بمستعمل زى مصر لا معظم العربيات دى بنسبة 80% قطع غيارها اصلية ومش مستهلكة لانها بتتغير سنويا بناءا على الفحص الدورى بتاعها اللى بيتعمل كل سنة
على فكرة مصروف العربية هنا فى السنة قد تمنها مرتين تلاتة
وجهة نظرى انا طبعا وبنسبة 100% الاستيرا احسن بكتير من الجديد الصينى ولا التركى
معلش مش عايز ادخل فى تفاصيل ادق اكتر من كدة علشان ما طولش عليكم
تحياتى

ده فى حالة استيراد السياره من هولندا او المانيا او انجلترا اللى عندهم mot كل سنه للكشف عن السلامه بس مش هيكشف مثلآ ان الكمبروسر شغال او لا او حتى الباور او السنتر او كفائة الدينمو والمراوح الخ هو الكشف على كل ما هو يعرض حياة المواطن لخطر من عفشه لنظام فرامل الخ وقطع كتير بيكون عمرها 30% بس بسبب المناخ وعدم السخونه لا تظهر العيوب ...
الشق التانى التجار بيستوردو من الصين واليونان وكام دوله سكامها مستوى المعيشه ضعيف والعربسات بالفعل حالتها اسؤ من مصر ...

الشق التالت التجتر فى مصر اول ما حضرتك ترجعلو حاجه بايظه بيحطها على الرف جنب الباقى عادي وبيديها لواحد تانى ودي كارثه واستهتار اكيد مش الكل بس الغاب...

وبالطبع كل قطع الغيار بتصنع لليوم حنى الاوبل كاديت التمانينات انا لم اطراء للنقطه دى بس ده ملوش علاقه بموضوعى