ازاي اروح الزقازيق بالعربية

**mostafa3000** · 07-08-2014 12:50 AM

ازاي اروح الزقازيق بالعربية من المعادي

**mahmoud_ali** · 07-08-2014 02:26 AM

بص يا باشا هتمسك الدائرى اتجاه السلام او اتجاه اسكندريه الصحراوى وتفضل ماشى لحد متوصل عند نزلة العبور هتلاقى يافطه مكتوب عليها اتجاه العبور وبلبيس هيا النزله اسمها محور الفريق حاجه بس مش فاكر اسمه اوى المهم هتنزل النازله دى هتلاقى نفسك بقيت فى العبور هتفضل ماشى لاخر العبور زى ما انت لحد متقابلك البوابه اللى هتدفع منها الكارته وبعد كده الطريق هيبقى اجبارى لحد متوصل الكارته التانيه اللى هيا كارتة بلبيس وبعد كده هتفضل زى ما انت ماشى هتلاقى الطريق اجبارى كده كده لحد متوصل الزقازيق

**svneleven** · 07-08-2014 09:33 AM

لكن هو هياخد اتجاه اسكندرية الزراعي مش الصحراوي.

**أسامه الحسيني** · 07-08-2014 10:33 AM

بص يا ريس
هتاخد الدائرى اتجاه السلام هتعدى علي اول نفق (التجمع الخامس) وتعدى على تانى نفق (نفق زهراء العاشر ) وبعد ما تعدى على مخرج طريق السويس بحوالى 4 كيلو هتلاقي مخرج المشير الشاذلي تسيب الدائري وتاخد مخرج المشير وفى اخر المخرج تمسك شمال وتاخد نفق العبور تاخد فى وشك على طول لغايه ما تقابل بوابه الصحراوى تدفع 2 ج رسوم وتاخد فى وشك طوالى لغايه البوابه الثانيه اخر الطريق بعد البوابه هتلاقي صانيه تاخد شمال وتاخد فى وشك هتعدى على الكليه الجويه وعلى ترعه - بعد ما تعدى الكوبرى بتاع الترعه دى بشويه نهايه الطريق تاخد يمين تمشي فى وشك على طول هتلاقي كوبري علوى تطلع من عليه وبعد بتاع 5 كيلو هتلاقي الطريق اجبارى يمين وهتعدى من على السكه الحديد وتاخد فى وشك على طول وبكدا تكون وصلت مفارق الزقازيق ونقدر نقولك الحمد لله على سلامتك
ولا اقولك شوف الخريطه ولو عاوز تروح اى مكان فى الزقازيق انا تحت امرك
https://www.google.com.eg/maps/dir/A...7935!3e0?hl=en

**أسامه الحسيني** · 07-08-2014 10:34 AM

المشاركة الأصلية كتبت بواسطة svneleven

لكن هو هياخد اتجاه اسكندرية الزراعي مش الصحراوي.

دا طريق مقرف طريق بلبيس احسن كتيير

**أسامه الحسيني** · 07-08-2014 10:48 AM

ودى خريطه بتوضح طريق الزقازيق عن طريق الاسكندريه الزراعى لو حابب تاخد الطريق دا
https://www.google.com.eg/maps/dir/A...!1m0!3e0?hl=en

**hesham fawzy h** · 07-08-2014 12:35 PM

فى نزلتين للعبور من على الدائرى نزلة المشيييير الشازلى و فى نزلة بعديها كمان مكتوب عليها العبور ، نزلة المشير مختصرة واسرع .

و ممكن نزل العبووور من النزلة الى بعد موقف العاشر (موقف السلام ) بعد دخلة الهايكستب بتاعت التجنيييد .

شوووف من اقربلك وروحو ..

بعد متنزل نزلة العبووور الى هى نفق العبوووور هتكمل على طوووول لحد متوصل للكارتة هتعدى الكارتة وتكمل على طوووول هتلاقى كارتة بلبييييس، كمل على طوووول اكنك رايح بلبييييس والطريق بعد كدة سهل و اجبارى .

اسال عند كارتة بلبيييس ارووووح الزقازيق ازاى علشان متتلخبطش فى الصينية بتاعت الطيارة

لو هتسال حد عن الطريق اسال محل او حد شكلة نظييييف على الطريق علشان بيبقي فى سرقة بللييييل :)

سافر بالنهار احسن

انا من الشرقية اصلا :)

**drcobra** · 07-08-2014 12:49 PM

من الدائرى بلبيس افضل بكتير

**ahmedfathi** · 08-08-2014 12:02 AM

اسمه محور الفريق سعد الدين الشاذلى

**mahmoud_ali** · 08-08-2014 03:09 AM

المشاركة الأصلية كتبت بواسطة svneleven

لكن هو هياخد اتجاه اسكندرية الزراعي مش الصحراوي.

ياباشا مش هتفرق اصلا لانه هينزل قبل الكلام ده بكتير هوا هينزل نزلة محور الفريق سعد الشاذلى

الموضوع: ازاي اروح الزقازيق بالعربية

LinkBack

أدوات الموضوع

عرض

-

-

-

-

-

-

المواضيع المتشابهه

لو سمحتم :) ازاي اروح المهندسين من التجمع الثالث و اروحها ازاي بردو من المعادي !!!

ازاي اروح من طنطا لمدينة بدر بالعربية

ازاى اروح ابو رواش من الزقازيق

انا ساكن في المهندسين وعايز اسافر اروح الزقازيق امشي ازاي ؟

عايز اروح دمياط من الزقازيق !!!

الكلمات الدلالية لهذا الموضوع

المفضلات

المفضلات

ضوابط المشاركة