هل مروحة الصالون بالفكره دى هتكون عمليه لتبريد صالون العربيات اللى من غير تكييف

**new_man** · 08-08-2014 02:34 PM

ازيكم يا اصدقائى
انهارده نزلت التوفيقيه اشتريت مروحة لل 127 اللى هى بتركب فى تابلوه للعربيه اللى بتشتغل على الولاعة
بس بعد كده فكرت فحاجه
احنا ينفع نجيب مروحة زى بتاعت الريداتير او زى الصوره دى

ونثبتها فى سقف العربيه ال 127 او ال 128 او اللادا...الخ وتتثبت فى النص بمسامير بحيث تهوى العربيه كلها وتكون شبه مروحة السقف اللى فى البيت كده
بس هيكون حجمها نفس بتاعت الريداتير كده مش حجم فانة الكمبيوتر طبعا..وفنفس الوقت تخانتها او سمكها رفيع عشان متبقاش نازله من السقف اوى وكمان هتكون بحمايه خارجيه زى الصوره عشان مخدش يتأذى منها بصباعه ولا حاجه وهى شغاله
ونوصلها على البطاريه او بزرار..بس معرفش هى بتشتغل 12v ولا اكتر
هل الفكره دى تنفع ولا لا لاننا بنموت فى الحر ده من غير تكييف
لو شجعتونى انا هكون اول حد يعملها لان الفكره ضاربه فدماغى اوى

**Abo_Mazen** · 08-08-2014 03:18 PM

متهيألي هتبقى كبيره قوي وهي نازله من السقف وخصوصا إن سقف اللادا أو ال 127 واطي قوي ..ده غير صوتها ..ده غير إن في الحر هي هتجيب هوا سخن أصلا ..متهيألي التكييف مفيش شيء يوازيه في أداء دوره..ده غير طبعا طريقة التثبيت اللي هضطر إنك تخرم في السقف عشان تعرف تثبتها ..متهيألي طبعا دي مش هينفع تتثبت بدبل فيس ..يعني لازم مسامير عشان تعرف تثبتها كويس