طلب تسعير كورولا 2008 خليجي

**فؤاد محمود** · 08-08-2014 03:06 PM

تسعير كورولا 2008 سعودي خليجي 1600 اسود سبويلر جنوط 15 حساسات خلفيه بس مش شغاله في واحد بايظ اوكر نيكل من جوه التبلوه فيه ابنوس .. الطاره عاديه .. فرش قماش فاخر .. ماشيه 80 الف و صيانه في التوكيل الي في صقر قريش ليها ملف هناك .. تاكيف بكر .. مسجل تاب و سي دي بس السي دي مش شغال .. راشه بره نظافه معادا سقف و كبوت .. كان واخد خبطه حلوه في الفانوس الي ورا يمين و طبعا مغير الفانوس و المنطقه الي حولين الفانوس متسمكره و مرشوشه بس بره التوكيل .. ايه رايكم في العربيه .. انا الي حكالي تريخها راجل في التوكيل انا مش بفهم في العربيات خالص بس هو ده الي في العربيه بس اما كهربا و ميكانيكا و عفشه فا شغل توكيل و الراجل عاملها صيانة ال 80 الف و عايز يديهالي .. اخدها من كام لكام؟؟

**وائل محمد نبيل** · 09-08-2014 01:56 AM

العربيه المخبوطه متشتريهاش لانها هتعذبك اوى فى اعاده بيعها حتى لو كان سعرها قليل

**darkdefender** · 09-08-2014 07:14 AM

اولا مافيش توكيل في صقر قريش توكيل تويوتا في ابو رواش ,العباسية و التجمع فقط..

العربية شكلها ميطمنش لو ناوي اطلع اكشف عليكها فالتوكيل كامل ب 600-900 جم...

خبطة فالرفرف متعبش العربية لة اتعملت صح,خبطة سمعت فالقوايم و حوض الشنطة و قص و لزق و نيلة العربية دي مش هتتباع... هنا لزم سمكري يبص عليها.. بس ان بقولك طالاما هو تبرع و قلك علي الخبطة و هي اساسا كدا كدا رشة برا معنها ان الخبطة كانت تقيلة اوي.

لو لقطة يعني تحت ال 90,000 و الخبطة متلعطش جمدة ممكن افكر.

**فؤاد محمود** · 10-08-2014 09:48 AM

يا باشا انا لما كشفت عليها عرفت انها متمعجنه جنب الفانوس بس مش ليس لها تاثير علي الحوض او قوايم العربيه .. العربية خليجي 2008 لما كانت بتتباع مكنش ليها وكيل لانها خليجي ف كانو بيدو فتره الضمان في مركز خدمة معتمد في صقر قريش و صاحب العربيه طالب فيها 110 لان العربيه تعتبر نضيفه مفيهاش غير حتته المعجون دي بس .. راي الاعضاء ايه