شكوى من توكيل تويوتا بالقاهرة الجديدة

**hoda fathy** · 08-08-2014 05:29 PM

شكوى من فرع القاهرة الجديدة .. عندنا عربية من يوم 24 مايو لحد النهاردة مش عارفين نستلمها .. .. العربية افانزا 2008 اتوماتيك.. العيب اللى فيها (عطل فنى فى المارشدين تبع الفتيس(وطبعا مش فاهمة معناها) داخلين فى 3 شهور التوكيل عمال يعطل فينا ويقولوا القطعة ماجتش من اليابان .. انا كعميل ذنبى ايه استنى كل ده على العربية .. والخدمة سيئة جدا والموظفين ولا بيتابعوا مع العملاء ولا بيردوا حتى على التليفون .. يعنى انا كعميل بتصل بيهم شبه يوميا محدش بيرد .. يوم ما سلمتها اللى استلمتها منى كانت الموظفة انجى زاهر ولما كانت المتابعة منها سيئة انا عملت شكوى وقابلت موظفة تانية اسمهاايناس الجبيلى وطبعا لما ما افادتنيش بحاجة اضطريت اقابل مدير الفرع اللى هو المهندس مصطفى عبد العزيز وطبعا من يوم ما قابلته لحد النهاردة مش بيرد اصلا على الرقم اللى اداهولى.. ولان طبعا للاسف مفيش اى اهتمام من اى موظف هناك هل اترجم الشكوى باليابانى وابعتها على الايميل ولا اعمل ايه ياريت تفيدونى ؟؟؟؟؟؟؟؟؟؟؟؟؟

**Mohamed Bander** · 08-08-2014 05:57 PM

مش محتاج ترجمة لليبانى ،، الانجليزى كفاية بس اكتبى الميل حلو و سخنيهم عليهم

**hoda fathy** · 08-08-2014 06:00 PM

المشاركة الأصلية كتبت بواسطة mohamed bander

مش محتاج ترجمة لليبانى ،، الانجليزى كفاية بس اكتبى الميل حلو و سخنيهم عليهم

شكرا على الرد .. بس تفتكر الشكوى دى هتجيب نتيجة ولا هما فى اليابان زى عندنا فى مصر كدة وخصوصا ان العربية برة الضمان .. ولا ابلغ فى حماية المستهلك احسن ؟؟؟؟؟

**hoda fathy** · 08-08-2014 06:04 PM

وكمان هما قالوا ان الموضوع كله هيتكلف فى حدود 30 الف جنيه .. فهل ده كدة مناسب وهل برة بنفس السعر ؟؟؟؟

**hanosh** · 08-08-2014 06:21 PM

المشاركة الأصلية كتبت بواسطة hoda fathy

شكوى من فرع القاهرة الجديدة .. عندنا عربية من يوم 24 مايو لحد النهاردة مش عارفين نستلمها .. .. العربية افانزا 2008 اتوماتيك.. العيب اللى فيها (عطل فنى فى المارشدين تبع الفتيس(وطبعا مش فاهمة معناها) داخلين فى 3 شهور التوكيل عمال يعطل فينا ويقولوا القطعة ماجتش من اليابان .. انا كعميل ذنبى ايه استنى كل ده على العربية .. والخدمة سيئة جدا والموظفين ولا بيتابعوا مع العملاء ولا بيردوا حتى على التليفون .. يعنى انا كعميل بتصل بيهم شبه يوميا محدش بيرد .. يوم ما سلمتها اللى استلمتها منى كانت الموظفة انجى زاهر ولما كانت المتابعة منها سيئة انا عملت شكوى وقابلت موظفة تانية اسمها ايناس الجبيلى وطبعا لما ما افادتنيش بحاجة اضطريت اقابل مدير الفرع اللى هو المهندس مصطفى عبد العزيز وطبعا من يوم ما قابلته لحد النهاردة مش بيرد اصلا على الرقم اللى اداهولى.. ولان طبعا للاسف مفيش اى اهتمام من اى موظف هناك هل اترجم الشكوى باليابانى وابعتها على الايميل ولا اعمل ايه ياريت تفيدونى ؟؟؟؟؟؟؟؟؟؟؟؟؟

عادى ده الطبيعى بتاع توكيل تويوتا والشكوى لليابان او الشرق الاوسط ملهاش لازمة لانها حتتحول تلقائى الى تويوتا ايجبت وعادى انى قطع الغيار مش متوفرة هيه ديه تويوتا ايجبت اما عن جهاز حماية المستهلك مش حيفيدك وحيقلك طالما ضمان العربية انتهى همن ميقدروش يعملوا حاجة
سعر القطعة اكيد مبالع فيه جدا حضرتك ممكن تسألى عن القطعة ديه بره التوكيل او استيراد فى الحرفيين لو لقتيها اسحبى العربية من التوكيل لو ملقتيهاش يبقى امرك لله واستنى فى التوكيل بس ابقى اشتكى كتير من خلال الرقم المختصر بتاعهم

**hoda fathy** · 08-08-2014 07:16 PM

المشاركة الأصلية كتبت بواسطة hanosh

عادى ده الطبيعى بتاع توكيل تويوتا والشكوى لليابان او الشرق الاوسط ملهاش لازمة لانها حتتحول تلقائى الى تويوتا ايجبت وعادى انى قطع الغيار مش متوفرة هيه ديه تويوتا ايجبت اما عن جهاز حماية المستهلك مش حيفيدك وحيقلك طالما ضمان العربية انتهى همن ميقدروش يعملوا حاجة
سعر القطعة اكيد مبالع فيه جدا حضرتك ممكن تسألى عن القطعة ديه بره التوكيل او استيراد فى الحرفيين لو لقتيها اسحبى العربية من التوكيل لو ملقتيهاش يبقى امرك لله واستنى فى التوكيل بس ابقى اشتكى كتير من خلال الرقم المختصر بتاعهم

تمام .. شكرا لحضرتك

**Mohamed Bander** · 08-08-2014 08:58 PM

المشاركة الأصلية كتبت بواسطة hoda fathy

شكرا على الرد .. بس تفتكر الشكوى دى هتجيب نتيجة ولا هما فى اليابان زى عندنا فى مصر كدة وخصوصا ان العربية برة الضمان .. ولا ابلغ فى حماية المستهلك احسن ؟؟؟؟؟

والله على حسب ،، المفروض تجيب نتيجة لان تويوتا شركة كبيرة ،، و بلغى حماية امستهلك برضه لان مش شرط ان الضمان خلص انهم مايوفروش قطع الغيار ،، و حاولى تدورى عليها برة اكيد هتلاقيها ارخص