الموضوع: استلمت الاوكتافيا 2002 بس في مشاكل

استلمت العربية وبصراحة ماشي 140 على الدايري فاسماعيلية وكاني ماشي 40 بس في كام مشكله مضايقاني :
1- العربية بتطفي لو انا طالع ومشغل التكييف لازم ازود بنزين اوي علشان متبطلش ، ولو شغلت التكييف والعربية واقفة 10 دقايق الار بي ام بيلعب وبتبطل بعد كده ( الميكانيكي قاللي الموتور حلو وطقم الدبرياج جديد)
2- بتجيب ميه فاعربيه من التكييف ناحية الراكب الامامي وفي صوت رفة من عند الطابلوه من اليمين
3- استهلاك البنزين هلامي في تلت ايام اكتر من صفيحة نقصت وكنت عامل من 100 لـ 150 كم بس
4- الزيت ناقص ومش عارف هي بتاجد كام كيلو زيت .... كانت بتنقط وخليت اللي باعهالي عالج الطبه عند الميكانيكي .
5- في حاجة جنب قربة المية والباور و مية المساحات بتفضل تتكتك طول مالعربية شغاله .
6- الميكانيكي قاللي العربيه عايزة قدام نغير الطنابير و الفرامل

..............مش عارف بقي اغير البوجيهات وانضف البوابه واحط منظف الانجيكشن مع البنزين علشان المشكله الاولي والتالته ولا في حاجة تانية ........ برجاء الاجابه
...................... غير كدة العربية كل اللي محتاجاه كساحة معدن و فرش للارض وكسوه للكراسي واحول الازاز العادة لكهربا وغير كدة العربية برنسسسسسسسسسسسسسسسس
انا حسيت بالفرق مع اني كنت راكب لانوس من الزيرو وحسيت عربية حمايا السيراتو 2010 زباله وانا مسافر بيها مع اني كنت باتوهم لما باركبها ...... فعلا الانسان مايملاش عينه الا التراب