بيجو 3008 عيب في الجنط مع شوارع مصر

**lth586** · 09-08-2014 09:17 AM

الساده مالكي بيجو 3008
واجهتني مشكله ظهور بالونه في الكاوتش او قطع يؤدي الي فقدان الفرده والموضوع ده حصل مع الميشلان والكومهو يعني الغالي والرخيص
تم تغيير 7 فرد كاوتش في اقل من سنه ونصف

1-طبعا شوارع مصر زي الزفت مطبات وحفر
2-الجنط 17 مشهور بالمشكله دي في عربيات كتيره ( ال 16 بيعملها برضه )
3-بعض اصحاب الكيا سيراتو زودوا عرض الكاوتش يعني بدل المقاس ما يبقي 225/50/17 هيبقي 235/45/17 تماسك اكتر عرض اكتر

هل في احد عنده حل للموضوع ده

**lth586** · 09-08-2014 09:39 AM

الوكيل معندوش رد علشان مفيش خدمه اطارات

**Mecha** · 09-08-2014 10:04 AM

call michelin agent

**lth586** · 09-08-2014 10:36 AM

المشاركة الأصلية كتبت بواسطة Mecha

call michelin agent

I try to find a number on the internet but I didn't succeed
thank you

**eng.m7md.ali** · 09-08-2014 11:16 AM

حاول تكون هادي شوية في المشي لان المشكلة مش في العربية ولا الجنوط :)

**lth586** · 09-08-2014 11:26 AM

المشاركة الأصلية كتبت بواسطة eng f3lix

حاول تكون هادي شوية في المشي لان المشكلة مش في العربية ولا الجنوط :)

شكرا

**rotanamasoud** · 09-08-2014 11:49 AM

الحل انك تجيب الجنط الاقل 16 وزود سمك الكاوتش لتعويض الفرق

**Land_Cruiser** · 09-08-2014 11:49 AM

الوكيل مش هيقدر يفيد حضرتك في الموضوع ده لان ده عيب طرق بتاعتنا و هو ملوش دعوه بيه يعني زيه زي الكوارث الطبيعيه و بالمثل ماركه الكاوتش برضه مش مؤثره قوي برضه علي مدي احتماله للنقر و الحفر و اغطيه البلاعات المفتوحه و مش معمول حساب الحاجات دي في التصميم و التصنيع بتاعه. في ناس بتعرض الكاوتش شويه علشان تقلل الاحتمالات بتاعه تكوين بلالين بس لو حبيت تعمل كده يستحسن ترجع الاول لكتالوج العربيه او قائم العربيه او حتي تسأل التوكيل عن المقاسات التانيه المسموح بها علشان تبقي مطمن ان ميبقاش في فرق في عداد ال rpm و السرعه او ان الموضوع ده يؤثر علي العفشه. النصيحه لحضرتك علشان تقلل موضوع البلالين ده انك تتأكد دائماً ان ضغط الهواء مضبوط في الإطارات علي الرقم اللي مكتوب علي قائم الباب و تهدي أسلوب قيادتك بالذات في الطرق المكسره او اللي اول مره تمشي عليها و مش عارف أماكن الحفر و النقر فيها و تاخد المطبات بالراحه و ممكن لو بتاع الكاوتش بعيد عنك تبقي تشتري كمبرسور هواء صغير وتحطه معاك في الشنطه و تزود به الهواء بنفسك كل فتره

**kaza** · 09-08-2014 03:02 PM

مصر محتاجة كاوتش مايقلش السايدوال لة عن 60/100 من حرض الكاوتش ولو ماعندكش مكان يستوعب صغر قطر الجنط ل15

**lth586** · 11-08-2014 12:19 PM

النصيحه لحضرتك علشان تقلل موضوع البلالين ده انك تتأكد دائماً ان ضغط الهواء مضبوط في الإطارات علي الرقم اللي مكتوب علي قائم البابو ممكن لو بتاع الكاوتش بعيد عنك تبقي تشتري كمبرسور هواء صغير وتحطه معاك في الشنطه و تزود به الهواء بنفسك كل فتره[/quote]

ايه راي حضرتك ان مكتوب علي القائم في العربيه الضغط 2.4 بارالي 2.6 بار =يعني 35 الي 37 بالزمه حد يمشي في مصر وضغط الكاوتش 35 او 37
انا ظابطها علي 32 ومعايا كومبرسور دايما في العربيه وبرضه خسرت 8 فرد كاوتش في سنتين