الموضوع: كيا سول 2015 الفئة الثانية

المشاركة الأصلية كتبت بواسطة darkangel345

قبل كل حاجة احب اشكركوا في الاول لان الموضوع حيطول شويه
في ناس عارفه الموضوع ده (وإللي ميعرفش ياريت يعرف ويساعدني بلييييييز )
انا مستنيه كيا سول 2015 الفئة الاولي من اكتر من شهرين وكلمت التوكيل وكل الموزعين وتقريبا كلهم اجمعوا ان لسه قدامها شهر كمان
ولكن الفئة الثانية (highline ) متواجده بالفعل فبفكر اشتريها وخلاص بقي
بس كنت عايزه اعرف رأيكوا هل الزيادات إللي فيها تستاهل فرق السعر ده ( الفئة الأولي 156 الفئة الثانية 176 ) عشرين الف فرق
الزيادات :- :u_thin1[1]:

1. جنوط 17" بدل 16" (هل بتفرق في العفشة في شوارعنا الجميلة وهل الفرق ايجابي ام سلبي ؟) مش حاسس أنه حيفرق أوى بالنسبه للعفشه
2. Abs (كان نفسي اصلا لو جبت الفئة الاولي احاول اركبها )
التوكيل مش حيرضى تركبى abs , و أكيد هوا مهم فى حالات الطوارىء
3. 2 ايرباج بدل واحده (ميضرش )

4. مثبت سرعة (cruise control ) ( مش ناويه استعمله اصلا بعد ما قريت وشفت علي اليوتيوب الحوادث إللي بيتسبب فيها لو حصله عطل أثناء استخدامها ) مش كل مثبت سرعه وحش , يعنى مينفعش نعمم , المثبت بيكون مهم فى السفر بس لكن جوه البلد صعب تثبتى سرعه معينه
5.المقابض الخارجية من الكروم (شغاله ) ( مش فارقه أوى)
6. فتحة سقف كهرباء بانوراما (وبعد اذنكوا انا ليا وقفه عند فتحة السقف البانوراما ايه هي مدي صلابه الزجاج بتاعه يعني ممكن اي زلطة تدشه او لو حاجه وقعت علي السقف ودا واخد مساحة السقف كله تقريبا يعني اكيد تغيره بيبقي غالي شويه ؟؟؟وهو الحاجه الوحيده إللي مخلياني اتجنب الفئة دي بس اعمل ايه بقي ) ناس كتيره عندها فتحه سقف و معندهاش مشاكل منها ,و أى عربيه معرضه للخدش او للكسر بس ربنا ألى بيسترها
7 . حساسات ركن خلفية (كنت ناويه اركبها )
برضه التوكيل مش حيرضى يركب أى حاجه زياده , أنا سألت بنفسى كذا مره , الحل الوحيد أنك تركبى بره التوكيل و الكهرباء تتطلع بره الضمان ,
الباركينج سينسور مهم للعربيه , أنا بعانى من عدم وجوده فى العرييه بس بحاول أتعود و خلاص
واسفه اني طولت عليكم وصدعتكوا وتعبتكوا وشكرتكوا في الاول واشكركوا ثاني وثالث و.............

رأيى الشخصى أن المهم فى الكماليات ديه : الفرامل والأيرباج , الباركينج سينسور و ممكن فتحه السقف و شكل الجنوط و الباقى قلش
الموضوع يرجعلك فى الأخر ,
لو الفلوس متوفره و مفيش مشاكل يبقى هاتى ال هاي لاين و خلاص و أكيد حتكونى مبسوطه من الحاجات الزياده , لو فيه مشاكل فى الفلوس يبقى أستنى شويه كمان
جربى تشوفى نيسان تيدا , ب 165 و تقريبا فيها كل حاجه و يمكن تكون حل وسط مبين الفئتين بتوع السول