هشترى عربيه 206 2005وعايز بعض الاجابات

**quaresma** · 10-08-2014 12:47 PM

عايز اشترى عربيه 206 قدامى هىموديل 2005 فبريكه بره جوه فتحة سقف اوتوماتيك المهم بقه عايز اكشف عليها قبل ماشتريها امشف عليها فىين فى القاهره وبكام وهل قطع غيارها متوفره وهل هى كثيرة االاعطال الحراره عمله ايه لان انا معايا فيمترا وهبيعها بسبب الحراره وهل هى عربية ثابته زى الفيكترا يعنى هتعوضنى

**medosalah** · 10-08-2014 02:39 PM

بص حضرتك

انا عارف ومتابع مواضيعك مع العربيه الفيكترا اللي انت اشتريتها وسبق وقولت لحضرتك ان باين من حالتها انها مهلكه وبيعها افضل ما تقعد تصرف عليها بس حضرتك ما سمعتش بنصحيتي
المهم بقي ,, الوضع الحالي

اولا العربيه بيجو 206 دي ليه كزا ماتور ولكن اغلب اللي نزلوا مصر خاصه موديلات 2002 و2003 لحد 2005 اغلبهم ماتور 1100 سيسي

بص يا باشا العربيه دي 60 حصان ايوه 60 حصان بس لو مانيوا تبقي مقبوله لكن اوتوماتيك زي بتاعه جوز اختي تبقي هتكرهك عيشتك من البطئ الشديد والنتشات بين الغيارات وهتفضل تركب شاهين عنها

من الاخر عربيه اقتصاديه في البنزين وثباتها معقول وتكيفها كويس وصاجها كويس وعفتها انعم من الاوبل بمراااااااااااااحل وشيك جدا وصالونها مقبول وصيانتها مش غاليه وقطع غيارا موجوده بس لو اوتوماتيك ماتور 1100 سيسي بتيقي بطه بلدي بتجر سرب بط وراها

علي فكره جوز اختي بيبيع عربيته وهي موديل 2002 ولونها سماوي وفابريكه بره وجوه وعدادها 0 6 الف تقريبا وممتازه وعفشه وتكيف فله بس انا عن نفسي استحاله اسحمل بطئها وما ارضاش انصح حد بيها