كل يوم هجوم علي الفيرنا

**alpoka779** · 10-08-2014 08:51 PM

انا مش هقارن انا هعتبر انها خسرانه امام (الفرنساوي والامريكاني والياباني ) بس في حاجه مهمه اوي بالنسبه لينا الطبقه المتوسطه مينفعش معانا الانواع ديه ليه بقي شوف اسعار قطع الغيار +الصنايعيه + ندره بعض الاشياء من اكسسوار او قطع غيار --انا بشوف ناس راكبه فورد بدون اكصدام او بدون فانوس ده عشان مش موجود ناس تانيه بتلعن ام الفرنساوي عشان اسعار قطع الغيار (تبقي الفيرنا تكسب) انا مبتكلمش عن عربيه بحارب بيها انا بتكلم عن استخدام شخص طبيعي او اسره -- ب10 جنيه بتتظبط عند الميكانيكي --- وانا اسف لغير الفيرناويه

**MOTOR HEAD** · 10-08-2014 08:59 PM

طب مقارنه مع اللوجن ايه رايك :)

**Adnfalcon** · 10-08-2014 09:19 PM

الفيرنا عربيه نجحت كسياره داخل مدينه بإمتياز وشوفوا انتشارها ملاكي وتاكسي بموتور قوي جدا بالنسبه لوزنها بس عيبها انها منخفضه الارتفاع عن الأرض و طبعا مش مجهزه للثبات والمناوره وبدون وسائل أمان للأسف
بس انا مره سافرت بيها من الأقصر للقاهره مباشره ومحمل 5 اشخاص وشنط كتير مكسفتنيش . . . طول الطريق 140 بس عند ال 150 حسيت بهزه يعني اخرها بدون خوف 140 ودا حلو أوووي عليها

**Mohamedjetta** · 10-08-2014 09:35 PM

الفيرنا عربية جميله ومحترمه والناس قاعده تهاجمها عشان اللوجان ..... لوجان اعتقد لو طلعت بره التوكيل مش هترجع عربيه طبيعيه
وكنت اعرف واحد معاه سيتروين c4 طلعت عينه في الكهربا وبعها بخساره كبيره وكانت عربيه تكسف وكانت المساحات بتشتغل لوحدها و لما تكون مقفوله بليل بتشتغل الانوار لوحدها.... ( يعني جنان الفرنساوي) وعلي فكره موديلها كان 2008 والكلام ده حصل معاه من سنتين يعني عربيه تعتبر جديده

**midooo_119** · 10-08-2014 09:36 PM

الفيرنا عربيه اعتماديه بالدرجه الاولى والى يقول غير كده يبقى ظالمها الفكرة كلها فالسعر غالى عليها

**merosss** · 10-08-2014 11:21 PM

مش عارف بتتقارن ازاى باللوجان الى فانوس قدام ب 950 جنية

**OmarAdel98** · 10-08-2014 11:33 PM

الأفضل في فئتها كإعادة بيع و انتشار و قطع غيار و اي ميكانيكي بشتغل فيها
و موتور طبعا لكن يعيبها عدم الثبات و ضيق المساحات الداخلية مع ان شنطتها ملعب

**ahmed.ameen** · 11-08-2014 12:14 AM

اناعندي مشكله
انا كونت رايح احجزها ونا رايح عديت علي معرض كان فيه لانوس ومعندوش فرنا معروض بس قلي اجبها لقيت ان الانوس فيها كسيت كينوود و فناويس شبوره و مرايه كهربه و اوسع وارخص 1500 جنيه بس تقفيلها زباله بس عربيات عربيات يعني فرجني علي وحده كانت كويسه و لما سبني رحت بصيت علي وحده تانيه لقيت اكرة الباب خشنه جدا لدرجة انك لما تفتح الباب مبترجعش مكنها تاني وكسوة الفتيس بتطلع من مكنها مع النقل مش عايز اقلك ان الراجل لما عرف انيعاوز فيرنا هاج و قلي الانوس احسن و اوفر واعلي علي الارض مش عارف قلتو متروها ضعيف و التكيف بيكسحها والتوكيل زباله قلي متمشيش ورا كلام الناس
سيبتو ورحت غبور و بتاديت اساله عن انها بتحك و الفرامل ضيعه قلي متسمعش كلام الناس
انا دلوقتي محتاس ومش عارف اعمل ايه ولما تتكلم مع ناس و تسألهم فيرنا ولا لانوس تلقيها قلبت ضلمه زي الاهلي والزمالك كدا وبرضك مبتخدش عقاد نافع
رجا اي معلومه بما يرضي الله

**Hamada hozein** · 11-08-2014 01:29 AM

الفيرنا عربيه ممتاااااااازه واحسن عربيه في فئتها

الموضوع: كل يوم هجوم علي الفيرنا

LinkBack

أدوات الموضوع

عرض

كل يوم هجوم علي الفيرنا - انشر الموضوع فى :

-

-

-

-

-

-

المواضيع المتشابهه

هجوم غير مبرر

الي خبراء الفيرنا , ماالفرق بين الفيرنا و الفيرنا ستار ؟؟؟

حد حصل هجوم فى شارعه

من غير شتيمة ولا هجوم !!!!!!!!!!

هجوم على الهيونداويه

الكلمات الدلالية لهذا الموضوع

المفضلات

المفضلات

ضوابط المشاركة