لو مكاني تختار ايه؟!

**eng.m7md.ali** · 11-08-2014 07:28 PM

انا بقالي فترة بدور على عربية ووقع الاختيار بعد مقارنات كتير بين ال3 عربيات دول .. المبلغ المتاح في حدود 80 الف جنيه .. انا كان معايا بروتون فأكيد هبقى حافظ الجين2 لانها نفس الموتور وتقريباً العفشة وعارف ان قطع غيارها مش غالية زي مالناس فاكرة
العربيات كالتالي :

1-سوبارو امبريزا 2008-2009 "هاتش باك"

2-بروتون جين2 موديل 2012-2013

3-فيات جراند بونتو t-jet 120 hp موديل 2007-2008

طبعاً لو هنتكلم على بعض عناصر المقارنة هنقول:

كتقفيل وخامات اقلهم الجين2 واحسنهم الفيات
التسارع احسنهم الجراند بونتو "تيربو" ثم الجين2 ثم الامبريزا
الثبات احسنهم الامبريزا ثم الجراند بونتو "مش عارف نفس عفشة العادية ولا سبور " ثم الجين2 والفرق مش كبير
الوسع اكبرهم السوبارو ثم الجين2 ثم الجراند بونتو
الراحة والعفشة المريحة احسنهم الامبريزا ثم الجين2 ثم الفيات "جنوط 17"
توافر قطع الغيار بصراحة مش عارف مين الاحسن
رخص قطع الغيار احسنهم الجين2
الاعتمادية للسوبارو ثم الجين2 ثم الفيات
الموديل الاحدث للجين2
شبابي اكتر كلهم
شكل رياضي كلهم
تميز كلهم خصوصاً الجراند بونتو لانها coupe
سهولة الصيانة للجين2
الاسعار متقاربة
سعر اعادة البيع ضايع لل3 واحسن واحدة فيهم الجين2 عشان مبقتش تخسر كتير
الكماليات احسنهم الجراند بونتو
الامان ال3 فيهم abs+ebd وايرباجز بس اكتر في الامبريزا
الصاج القوي للجراند بونتو او للجين2 واقل بالامبريزا

ملحوظة:
برجاء عدم ذكر موديلات زي اكسنت او لانسر او صني او الحاجات دي عشان مبتشدنيش

**Adnfalcon** · 11-08-2014 08:06 PM

انت كنت راكب جين 2 يعني اكيد اتعودت علي مستوي ثبات معين مش هترضي بأقل منه . . الأفضل بالنسبالي السوبارو لأنها ثبات عالي جدا جدا واوسع عربيه فيهم وارتفاعها مناسب جدا لطرقنا وقطع غيار معمره بس الفكره انها موديل قديم حوالي 6 سنين فالحاله هتحكم طبعا لو لقيت حاجه لقطه توكل علي الله
تاني اختيار فحاله ملقتش سوبارو فابريكه . . جين 2 2013 دي عربيتك وانت ادري واحد بيها وانا عن نفسي بحبها جدا
واي استفسار او مساعده مش هتأخر عليك

**eng.m7md.ali** · 11-08-2014 08:19 PM

المشاركة الأصلية كتبت بواسطة adnfalcon

انت كنت راكب جين 2 يعني اكيد اتعودت علي مستوي ثبات معين مش هترضي بأقل منه . . الأفضل بالنسبالي السوبارو لأنها ثبات عالي جدا جدا واوسع عربيه فيهم وارتفاعها مناسب جدا لطرقنا وقطع غيار معمره بس الفكره انها موديل قديم حوالي 6 سنين فالحاله هتحكم طبعا لو لقيت حاجه لقطه توكل علي الله
تاني اختيار فحاله ملقتش سوبارو فابريكه . . جين 2 2013 دي عربيتك وانت ادري واحد بيها وانا عن نفسي بحبها جدا
واي استفسار او مساعده مش هتأخر عليك

ربنا يخليك

انا كان معايا واجا .. والواجا مش بثبات الجين2 ولا بتسارعها عشان فرق الوزن

لكن جربت الجين2 وراضي عن ثباتها اكتر من الواجا وعارف ان العربيتين التانيين هيبقوا احسن منها بس في حاجات في المقارنة يتشدني للجين2 خصوصاً اني نفسي فيها من سنة 2007 بس القدر اختارلي الواجا 2009

**Adnfalcon** · 11-08-2014 08:24 PM

انت قلت نفسك فيها وكده خلص الكلام . . . توكل علي الله وهاتها عربيه مباركه عليك

**eng.m7md.ali** · 11-08-2014 08:37 PM

ماهو انا نفسي في العربيتين التانيين بردو :)

**Adnfalcon** · 11-08-2014 08:44 PM

المشاركة الأصلية كتبت بواسطة eng f3lix

ماهو انا نفسي في العربيتين التانيين بردو :)

شكلك محتار جامد هههههههه
انا عن نفسي لو هختار اختياري السوبارو ثم الجين 2
بس بصراحه اختياراتي دايما تهتم بالثبات لأني سواقتي دايما سفر وأقل سرعه عندي 150 للأسف

**eng.m7md.ali** · 11-08-2014 08:49 PM

المشاركة الأصلية كتبت بواسطة adnfalcon

شكلك محتار جامد هههههههه
انا عن نفسي لو هختار اختياري السوبارو ثم الجين 2
بس بصراحه اختياراتي دايما تهتم بالثبات لأني سواقتي دايما سفر وأقل سرعه عندي 150 للأسف

ربنا يستر طريقك انا كمان اهتماماتي بالثبات الاول

حتى لو سرعة 100 انت محتاج عربية ثابتة عشان لاقدر الله اي ظرف طارئ تعرف تتصرف بسرعة .. متقوليش هيونداي ولا نيسان ولا شيفروليه ولا كيا ولا العربيات اللي في السوق كله هيعوم منك عالسرعة دي

بس انا عايز حد من ملاك البونتو يقولي عفشة العربية دي زي عفشة العادية ولا عفشة سبور .. اصل الموتور 120 حصان تيربو اعتقد الفرامل والعفشة متغيرة عن البونتو ال 77 حصان

**S O P H O S** · 11-08-2014 09:52 PM

فرأي ليك انت يا باشا الجين 2 انسب لانك حافظ البروتون
وهتعرف توجد حلول كويسة مع العربية قدام نتيجة ان كان معاك
بروتون قبل كده حتي لو مش جين
الاختيار التاني لو مش عاوز الجين هيبقي السوبارو
الفيات جميلة لكن مش حاسسها اوي بصراحة ومش معاها كرأي
واتمني ليك ان شاء الله افضل عربية

**Omar Mahmoud** · 11-08-2014 09:53 PM

انا حاسس بنفس اللي انت حاسس بيه لأن ده اللي حصل معايا لما اخويا اشتري البروتون
انا رأيي السوبارو-بروتون-فيات
فيات برافو و بونتو علي what car في ride and handling واخدين 2/5
البروتون 3/5 و السوبارو احسنهم مش محتاجة كلام.
غير ahmedsiyam لو شفت الردود عنده كان قايل إن الجين احسن البرافو في الثبات.
لكن لو حالة السوبارو كويسة تبقي هي طبعا.
بالتوفيق.