تهريب فرامل العربية (التوكيل-التامين)

**maio_do** · 11-08-2014 11:29 PM

بسم الله الرحمن الرحيم

السلام عليكم ورحمه الله وبركاته

دلوقتى انا عربيتى عملت حادثة على 50 كيلو الطريق كان واقف بفرمل مفرملتش ودخلت فى اللى ادامى بس مش ده المهم

اللى عايز اسال فيه انى عملت محضر عادى واحد فرمل فجاءة ودخلت فيه شركة التامين راحت التوكيل واتفقوا على المقايسة السوال هنا لو اشتكيت التوكيل فى حماية المستهلك الكلام يوصل للتامين ولو وصل فى اي ضرر عليا فى حاجه

انا مش عارف لما العربية تتصلح ابيعها وحد يموت بيها ولا اشتكى التوكيل فى حماية المستهلك ويحصل حاجة مع التامين

**mhkorayem** · 12-08-2014 12:16 AM

هي العربيه نوعها ايه ؟؟؟؟

**john55** · 12-08-2014 01:15 AM

بيجو 301

**amoor89** · 12-08-2014 04:13 AM

وبعدين بقى مع العربية دى مش أول مرة يحصل نفس الموقف لازم وقفة مع التوكيل يا جماعة دى حياة ناس مش لعبة

**2CODE** · 12-08-2014 08:14 AM

استغفر الله العظيم على دي عربية !!!!!!

دي 4 او 5 حالة في المنتدى بنفس الشكوى فرامل تهرب !!!!!!!!!

يا أخي دي الصيني مش بتعملها الجيلي تقفيل غبور مش بتعملها !!!!!!!!!

ربنا يستر على كل ملاكها :(

**maio_do** · 12-08-2014 03:34 PM

والله انا لسه ماعارف اية الحل انا ندمان جدا بس عايز اعرف اعمل اية لانى اخرة ماتخنقت قلت ابيعها بس برده ماعنديش نية ابيعها لواحد لقدر الله يحصله حاجه ومفيش فلوس تعوض الكلام ده وقلت اسالكوا هيبقى فيه مشكلة مع التامين لو قولت ان فيه عيب فرامل ممكن يطلب باسترداد فلوسه مثلا

**2CODE** · 12-08-2014 06:19 PM

المشاركة الأصلية كتبت بواسطة maio_do

والله انا لسه ماعارف اية الحل انا ندمان جدا بس عايز اعرف اعمل اية لانى اخرة ماتخنقت قلت ابيعها بس برده ماعنديش نية ابيعها لواحد لقدر الله يحصله حاجه ومفيش فلوس تعوض الكلام ده وقلت اسالكوا هيبقى فيه مشكلة مع التامين لو قولت ان فيه عيب فرامل ممكن يطلب باسترداد فلوسه مثلا

والله علشان نيتك دي ربنا هيقف جنبك وييسر لك امرك

شوف رأيي الشخصي رأيي الشخصي !!!!!

انك المهم تصلح عربيتك - يعني ايه ؟؟؟

يعني انت دلوقتي لو قلت ده عيب من فرامل العربية التأمين هيقولك انا ارفع ايدي من الموضوع ومنك للشركة الحرامية والعربية الخربانه النص كم دي !!!!!!!!

ويبقى منك للتوكيل وحماية المستهلك ومن الاخر كده مش هتعرف تجيب حقك منهم !!!!!!

طيب ايه الحل ؟؟؟؟؟ لأ انا هكمل على انها حادثة وواحد فرمل فجأه وانا لبست فيه علشان اصلح العربية على حساب التأمين انما لو قلت دي العربية بدوس فرامل مش بتقف والعربية خربانه هيقولك ده عيب تصنيع وسوء من العربية وده يبقى التوكيل والضمان مش التأمين هات فلوسي انا مش هصلح العربية

ده كل اللي هيحصل صدقني !!!!!!

**Land_Cruiser** · 12-08-2014 07:25 PM

صلحها الاول علي حساب التأمين و بعد كده ابعث شكوي بالموضوع لبيجو. فرنسا و اكتب فيه كل حاجه حصلت و ده فرصته افضل انهم يكشفوا عن العيب بره و يصلحوه انما لو اتخانقت مع التوكيل هنا مش هتوصل لحاجه في الاغلب و هيقولوا دي حاله فرديه و عايز مننا ايه مش التامين صلحها خلاص و الكلام اياه ده