الى ليه خبره فى شد العربيات يفيدنى رجاءا

**mido1982** · 12-08-2014 06:41 AM

السلام عليكم ورحمه الله وبركاته
اعضاء المنتدى الاعزاء
انا عربيتى فيها بارومه كتير وكنت عايز اشدها لانى لو بعتها بالمنظر ده اعتقد حخسر كتير
السؤال هنا
نظرا للظروف الماديه اليومين دول وكمان انى مش بستغنى عن العربيه(يعنى مقدرش اسيبها عند السمكرى شهر ولا اكتر)

بفكر انى اشدها على مراحل ومش عارف ده ينفع ولا لا
يعنى مثلا
اروح مره اعمل الشغل الى فيها من تحت بارومه فى العتب ولو فيه حاجه تانيه مش محتاجه الفرش يتحل واروح داهنها
وبعدها بشهر اواتنين احل الفرش واخلى السمكرى يشوف لو فيه بارومه جوه وبردو تدهن علطول
وممكن اركب الفرش القديم او جديد حسب الظروف وقتها
وبعدين اروح راششها
ومره تانيه اشوف العفشه بقى وخلافه

فيه ناس ممكن تقولى استنى لغايه ما تشدها مره واحده بس انا بصراحه بقيت بخاف اجرى بيها حاسس ان العربيه مفككه من بعضها
هل ده ممكن ولا انا بحلم
ولو فيه حل تانى ياريت تقولولى
وياريت كمان الى يعرف يقولى الموضوع ده يتكلف كام
ولكم جزيل الشكر

**hesham fawzy h** · 12-08-2014 07:15 AM

متابع

**mido1982** · 12-08-2014 09:40 AM

ايه يا جماعه معقول محدش يعرف

**Ahmed abdkarim** · 12-08-2014 11:19 AM

طبعا مينفعش حاجه زى كده .

انت حتصلح جزء و بعدين ترش و بعدين تصلح وبعدين ترش تانى .

انت كده بترمى فلوسك على الارض لو حسبتها صح حتلاقى الموضوع حيزيد بس اسبوه بالكتير بدل ما تروح للسمكرى وبعدين للبوهيجى و بعدين ترجع تروح للسمكرى و بعدين للبوهيجى انت حتروح للسمكرى مرة واحده وللبوهيجى مرة واحده .

وبدل ما تدقع 2 مصنعية لكل واحد حتدفع مصنعية واحده وبعدين حتوفر برضه فى الخامات بتاعه البوية .

وبعدين العربية لو موديل قديم وفيها شغل كتير لو صرفت عليها مش حترجع اللى صرفته لو جيت تبيع .

مثلا لو سعرها على حالتها الحالية 20 وصرفت عليها 10 الاف لو جيت تبيعها حتبيعا ب 27 يبقى انت خسرت 3000 جنيه .

شوف ايه الأقرب ليك وأسهل واستعن بالله وخد انت قرارك .

**mido1982** · 12-08-2014 11:36 AM

المشاركة الأصلية كتبت بواسطة ahmed abdkarim

طبعا مينفعش حاجه زى كده .

انت حتصلح جزء و بعدين ترش و بعدين تصلح وبعدين ترش تانى .

انت كده بترمى فلوسك على الارض لو حسبتها صح حتلاقى الموضوع حيزيد بس اسبوه بالكتير بدل ما تروح للسمكرى وبعدين للبوهيجى و بعدين ترجع تروح للسمكرى و بعدين للبوهيجى انت حتروح للسمكرى مرة واحده وللبوهيجى مرة واحده .

وبدل ما تدقع 2 مصنعية لكل واحد حتدفع مصنعية واحده وبعدين حتوفر برضه فى الخامات بتاعه البوية .

وبعدين العربية لو موديل قديم وفيها شغل كتير لو صرفت عليها مش حترجع اللى صرفته لو جيت تبيع .

مثلا لو سعرها على حالتها الحالية 20 وصرفت عليها 10 الاف لو جيت تبيعها حتبيعا ب 27 يبقى انت خسرت 3000 جنيه .

شوف ايه الأقرب ليك وأسهل واستعن بالله وخد انت قرارك .

شكرا لردك يا باشا
هوفعلا كلامك منطقى
هى العربيه موديل 2002
ربنا يسهل والاقى حل

**Karim_Monir** · 12-08-2014 04:36 PM

لا مينفعش طبعا
لازم تتفك ويتم الشغل فيها مرة واحدة

**amr011111** · 13-08-2014 11:57 AM

لو ناوى على البيع بيع على حالتها لانها بعد الشد برضه هتلاقى سعرها زاد بنسبه اللى صرفته على الشد
لو ناوى تركبها يبقى شدها صح تفك الفرش وتسيبها عند السمكرى وبعدين ترشها من تحت انتركوت
وتركب داير على العجل يحمى الرفارف من الطينه
وبالتوفيق

**aymanovic** · 16-08-2014 02:55 PM

نصيحة عن تجربة إذا ناوى تبيع بيع على حالتها لأنك عمرك ما هتأخذ حتى اللى هتصرفه لما تيجى تبيع وهتخسر .. لأن العربيات مهما كانت حالتها فلها سوق عمرها ما هتزيد عنه