الموضوع: كيفية اختبار طلمبة الباور فيكترا بى

المشاركة الأصلية كتبت بواسطة amr elsisi

تحياتي لك يا أيمن
صعب جدااا لأنها طرمبة ترسية وعلي جلب فلو لغتها وهيا فاضية حتسمع صوت
بس الجواب بيبان من عنوانة
يعني تكون الطرمبة من الخارج لسة بحالتها وشكلها قيم
وتكون الالمونيا لسة بلمعتها
وبعدين انت حرقت موضوع تعديل في الطرمبة وخط الطرد
مسامحك بس ادعولي اخلصة

ربنا يوفقك يا هندسة وتكمله على خير
لى سؤال لك يا عمرو باشا وهو دا سبب كتابة الموضوع وهو انى كنت فى مكان تقطيع العربيات باخد فكرة عن قطع الغيار فشوفت طلمبات بور كتير اوى واعجبت جدا بشكلهم ولمعة الالومنيم منهم والحديد الزهر منهم كمان ممتازة المهم مسكت اتنين حديد زهر والله حالتهم زيرو زى ماتقول جداد فعلا قلت اعمل اختبار مبدئى عليهم واشوف فى فرق بينهم ولا لا فوجئت بالاتى :
1- واحدة منهم عند لف الطمبورة لاحظت انها تقيلة نوعا ما يعنى فى مقامة بسيطة وبسمع صوت زى ترس بيلف لما حطيتها على اذنى وشميت ريحة زيت بور زى ما يكون محروق كدة
2- التانية عند لف الطمبورة لاحظت انها خفيفة ومفيش مقاومة وبسمع كذلك صوت الترس وهو بيلف بس ريحة الزيت فيها عادى فأحترت الصراحة فقلت اعمل الموضوع دا يمكن حد عنده معلومة ولا حاجة تفيدنى وتفيد الجميع
سؤالى بقى ليك ياهندسة هو لية الطلمبة لما بتلف على الفاضى بدون زيت بتتحرق او ريشها بتتكسر ممكن اعرف طريقة عملها من الداخل اى الميكانيزم بتعتها علشان نتفادى نقص زيت البور او زيادته عن المقاس الطبيعى فى الطلمبة فتبوظ ولو انى حاسس ان الاجابة هتكون جزء من موضوعك الجديد بس معلش سامحنى للمرة التانية
تحياتى لك يا هندسة وربنا يوفقك فى اكتمال موضوعك وظهوره الى النور لافادة الجميع وربنا يجعله فى ميزان حسناتك
ومنتظر ردك يا عمرو باشا