الموضوع: للأسف بعد تعديل الارتفاع الصوت بتاع التابلوه بقى من اليمين والشمال

العربية ارتفعت وبقت دبابة بش للاسف لما بمشى على اسفلت قديم او تحس كدة انه منقر يعنى مش ناعم . بسمع صوت زنة فى التابلوه , الصوت رخم قوى تحس ان التابلوه متفكك. الصوت ده ظهر بعد تعديل الارتفاع. يا ريت لو حد مر بالتجربة ديه يقولى عمل ايه مع التوكيل. مع انى مكسوف منكم بعد ما قلتلكم العربية بقت عربية تانية بعد تعديل الارتفاع

المشاركة الأصلية كتبت بواسطة محمد الوااالى

صوت الشخشخة ظاهر معايا من فاتحة التكييف من اليمين من اول ما اشتريت العربية بيروح و بييجى. بس للأسف من ساعة ما عدلت الارتفاع وكنت مشيت بالعربية 5200 كيلو الصوت ساعتها ظهر و الصوت زى اكن التابلوه مش مربوط كويس الصوت الاهتزاز ده طالع من تحت التابلوه كله. وبيظهر فى حالة لما امشى على اسفلت او طريق مش ناعم يعنى فيه نقر بسيطة. وطبعا شوارعنا معظمها كدة.
حد عمل حاجةمع التوكيل
والملحوظة ان الصوت اللى من تحت التابلوه بكانل العربية مظهرش غيؤ بعد تعديل الارتفاع, يعنى تعديل الارتفاع هو السبب.

ا محمد الصوت ده ما لوش علاقة بالتعديل انا العربية معايا عاملة 10000كم بدأت اسمع صوت تزييق في التابلوه في المطبات ، الصوت جاي من عند فتحات التكييف والجزء الكروم اللي تحته رحت التوكيل وكشفو عل العربية النتيجة ان الأجزاء دي كلها بلاستيك وراكبة على كليبسات مع الوقت بتحك في بعضها فبيطلع الصوت ده المهندس قاللي هتجيب لنا العربية يومين هنفك معظم التابلوه ونحط ماده عازلة بين الأجزاء دي والحقيقة انهم مديني ميعاد النهارده لكن بصراحة مش قادر اروح افك تابلوه العربية وهيا عاملة 10000كم وفي نفس الوقت انا مش متخيل النتيجة هتبقى ايه المهندس قاللي ان كل التابلوه راكب على كليبسات حتى الجزء العلوي الجلد الخلاصة ان ده عيب في التقفيل او الخامات اللي معمول منها الأجزاء دي سيئة