استشارة فى تركيب شاشة فى السيراتو

**الجنرال** · 14-08-2014 07:27 PM

السلام عليكم ورحمة الله وبركاته

عايز اخد رأيكم فى حاجة عايز اعملها

عايز اركب شاشة وكاميرا خلفية .. وبما ان الشاشة اللى بتركب فوق المراية شكلها وحش وبتاعت تاكسي, فبفكر اركب شاشة تحت التابلوه

ايوة تحت التابلوه زي ما انا محدد فى الصورة دي

free image host

لقيت شاشة 7 بوصة .. هل مش هينفع تنزل جواها .. لكن الشاشة جاية بالضبط على قد الفتحة بتاعت مكان التخزين ده .. ولو ركبت عليه هتاخد حوالي 50% من مساحة الفتحة الطولية .. لكن فى العرض هتبقى جاية بالضبط عليها .. وهتركب بطريق انها تسقط فيها وهتبقى محشورة تمام فيها

فكرة تانية اني ممكن اجيب حامل ايباد او تيلفون بس كبير .. ويتثبت جوه المكان ده والشاشة تبقى راكبه فيه على مستوى منخفض علشان تعرف تتحكم فى التكييف

ايه رأيكوا في الفكرة دي؟

**eslamsubaru** · 14-08-2014 08:53 PM

طيب ما تركبه مكان الكاسيت الأصلى : يعنى تجيب دى فى دى بالشاشة منه فيه و بيبقى فيه باكتات لكل عربية علشان تقفل المساحة اللى حوالين الكاسيت علشان يكون كجزء من التابلوه و يبقى وفرت عن انك تجيب الكاسيت اللى بالصورة الأصلى .. الباكتات دى هتلاقيها على النت و اسعارها بتكون فى حدود 200-400 جنيه بالتوصيل لحد بيتك .. و فيها لكل الماركات و لكل الموديلات.

**الجنرال** · 14-08-2014 11:40 PM

معلش انا مش فاهم موضوع الباكتات ده .. ممكن تجيبلي لينك علشان افهم الموضوع اكتر

**Ahmed.Essam** · 15-08-2014 12:00 AM

متابع معاك لاني بفكر في الموضوع ده بقالي فترة وعاوز اعمله في الريو بس اللي معطلني نفس كلامك ان الشاشة مش عاوزها تبقى مكان المراية
فيه حاجة تانية لو الشاشة هتتثب على التابلوه .. هل هنخرم في التابلوه !! ولا في طريقة تانية ؟

**eslamsubaru** · 15-08-2014 10:29 AM

المشاركة الأصلية كتبت بواسطة eslamsubaru

طيب ما تركبه مكان الكاسيت الأصلى : يعنى تجيب دى فى دى بالشاشة منه فيه و بيبقى فيه باكتات لكل عربية علشان تقفل المساحة اللى حوالين الكاسيت علشان يكون كجزء من التابلوه و يبقى وفرت عن انك تجيب الكاسيت اللى بالصورة الأصلى .. الباكتات دى هتلاقيها على النت و اسعارها بتكون فى حدود 200-400 جنيه بالتوصيل لحد بيتك .. و فيها لكل الماركات و لكل الموديلات.

الصور هتفهمك قصدى : حاجة تملى الفراغ اللى بيكون حوالين الكاسيت علشان يبان انه جزء من التابلوه و اى عربية ليها الباكتات دى هتلاقيها على النت

[IMG]http://www.google.com.eg/imgres?i

**الجنرال** · 15-08-2014 11:05 AM

المشاركة الأصلية كتبت بواسطة ahmed.essam

متابع معاك لاني بفكر في الموضوع ده بقالي فترة وعاوز اعمله في الريو بس اللي معطلني نفس كلامك ان الشاشة مش عاوزها تبقى مكان المراية
فيه حاجة تانية لو الشاشة هتتثب على التابلوه .. هل هنخرم في التابلوه !! ولا في طريقة تانية ؟

لا مش بتخرم (وان كان ده متاح لو عايز) انما بتيجي معاها لزق خاص بالتابلوه بحيث انها متقعش

لكن انا معرفش مدى قوته وتحمله قد ايه

**الجنرال** · 15-08-2014 11:06 AM

المشاركة الأصلية كتبت بواسطة eslamsubaru

الصور هتفهمك قصدى : حاجة تملى الفراغ اللى بيكون حوالين الكاسيت علشان يبان انه جزء من التابلوه و اى عربية ليها الباكتات دى هتلاقيها على النت

[img]http://www.google.com.eg/imgres?i

اه تمام فهمتك .. انا مش عايز اعمل كده لان الشاشة اللى هجيبها دي مش كاسيت .. مجرد شاشة فقط للكاميرا وممكن تركبها فلاشة وبتاع .. بس انا استخدامي الوحيد ليها هو الكاميرا الخلفية فقط

في انتظار باقي الاراء

**mr.moustafa** · 15-08-2014 01:40 PM

لأ انا عندي رأي مختلف تماما
اشتري شاشة سيراتو على طول من غير لا فريم و لا بتاع
شاشة السيراتو موجودة في السوق بالكاميرا الخلفية و منها انواع اندرويد كمان و بتركب مكان الشاشة الاصلية بالضبط حتى لو اغلى شوية بس بتبقى مش هاتبوظ شكل التابلوه و بتبقى شيك و المفروض بنفس لون اضاءة التابلوه

**Ros** · 15-08-2014 09:44 PM

باشا المصرفاوى اللى فى المقطم عنده الكاسيت زى اللى انت حاطه فى الصوره بالشاشه و الكاميرا و جى بى اس و نت ب 2800

**الجنرال** · 16-08-2014 06:02 PM

المشاركة الأصلية كتبت بواسطة ros

باشا المصرفاوى اللى فى المقطم عنده الكاسيت زى اللى انت حاطه فى الصوره بالشاشه و الكاميرا و جى بى اس و نت ب 2800

ايوة عارف .. ولقيته عند اتنين تانيية باسعار اقل (2500 و 2700)

الفكرة انه غالي .. والاستخدام الوحيد الزيادة بالنسبة لي هو الكاميرا

صحيح الدي في دي شكله احلى واشيك .. لكن غالي