هل الاوكتافيا اعتماديه ؟

**mahmoudsmh** · 15-08-2014 12:59 AM

معلش سؤال قد يراه البعض ساذج
بس اعذروني في حيرتي انا ان شاء الله ناوي اشتري عربيه جديده
عقلي بيقلي كورولا او سيفيك وقلبي اوكتافيا وقرات كل المقارنات والمواصفات
بس حابب اطمن من ملاك الاوكتافيا على العربيه معمره زي الياباني كورولا وسيفيك ولانسر
ولا هتدوخني بعد كيلوميترات معينه هدخل في دوامه شراء قطع غيار
وشكرا جزيلا لاعضاء جروب اوكتافيا المحترمين

**Adnfalcon** · 15-08-2014 01:04 AM

المشاركة الأصلية كتبت بواسطة mahmoudsmh

معلش سؤال قد يراه البعض ساذج
بس اعذروني في حيرتي انا ان شاء الله ناوي اشتري عربيه جديده
عقلي بيقلي كورولا او سيفيك وقلبي اوكتافيا وقرات كل المقارنات والمواصفات
بس حابب اطمن من ملاك الاوكتافيا على العربيه معمره زي الياباني كورولا وسيفيك ولانسر
ولا هتدوخني بعد كيلوميترات معينه هدخل في دوامه شراء قطع غيار
وشكرا جزيلا لاعضاء جروب اوكتافيا المحترمين

قطع غيار الاوكتافيا معمره جدا جدا جدا و انتشارها الفظيع سبب لتوافر قطع الغيار فكل مكان . . واسأل كل ملاكها

**mahmoudsmh** · 15-08-2014 01:12 AM

شكرا جزيلا يا باشا على الرد
ان شاء الله اابقى من ملاك الاوكتافيا شكلها تحفه بصراحه

**samoreception** · 15-08-2014 01:29 AM

مبدئيا ابعد عن الهوندا مش لعيب فيها بالعكس عربية تحفة بس قطع غيار نار وانتشار معدوم وتوكيل حرامى بمعنى الكلمة ويليه توكيل تويوتا فى الاسعار المبالغ فيها اقل اسعار قطع غيار وصيانات من الوكيل هى سكودا
وكاعتمادية لو هنقيس على اسكودا زمان وتويوتا زمان تويوتا تكسب
وعلى فكرة انا معايا سكودا ومعايا تويوتا يعنى مش متحيز لحد
وفى الموديلات الجديدة الله واعلم بس بحس انى الاسكودا ابتدت تتقدم فعلا عن التويوتا فى الاعتمادية
ومن جه معمره فسواء تويوتا او سكودا معمرين جدا بس اهم حاجة الاهتمام زى اى عربية
وربنا يوفقك فى اللى فيه الخير وانا عارف انى حيرتك زادت بس انا قولتلك الحقيقة

**waelamin123** · 15-08-2014 01:41 AM

الحق اشترى احسن يعملوا زى تويوتا وسيفيك وتبقى تركى

**Ahmed Saad** · 15-08-2014 01:42 AM

بص ياباشا أي عربيه لو اهتميت بصيانتها المنتظمة بتعيش بس جوده الصناعه بتفرق يعني اسكودا عربيه ممحترمة وبتتعمل بإشراف الماني لانها طبعا تابعه لشركة فولكس فاجن وطبعا اسكودا بتتقفل وبتتصنع في بلدها التشيك وطبعا عربيه حلوه والتويوتا برضه حلوه بس الاسكودا هتتفوق عليها في قوه الصاج الخارجي والتقفيل بس برضه التويوتا اعطالها قليله جدا بس الجديد لسه ملحقش يمشي علشان يتقيم صح بس عموما الاوكتافيا الجديده شكلها اشيك وافخم من الكرولا وطبعا أسعار قطع غيار الاوكتافيا أرخص من الكرولا واسأل في التوكيلين وقارن أسعار القطع ببعض وربنا يوفقك للاصلح م