ضروري جدا الى كل ملاك a7 1600 2015!!!!

**etsh1986** · 15-08-2014 04:58 AM

احب اقول الاول الحمدلله على كل حاجة انا معايا a7 1600 عامل بيها تقريبا 2500 كيلو و كنت حعمل حادثة موت انهارده بسببها فجاة ماشي عادي جدا و على سرعة 120 في الطريق الساحلي عند مارينا و فجاة الامبير بينزل و ادوس بنزين مفيش خالص و انا للاسف ماشي على الشمال و العربيات واريا صواريخ و اديت انتظار ستر ربنا انهم فادوني بالعافية و بعد معانة و مساعدة بعد الاصدقاء اتقطرت لحد بوابة 1 و روحت جبت فني من مركز سكودا الي عند بوابة 4 و قبل ما يشوف العربية كانت الصدمة تورمبت بنزين!!! و راح فعلا كشف و طلع صح و بيقولي ده عيب في الموديل 2015 و لسه مغير كذا تورمبة الفترة دي و المصيبة ان التوكيل عارف و مش مثلا يعمل recall للعربيات لا ده سيبها كده لحد ما الناس تعمل حوادث و تروح في ستين داهية هما خسرانين ايه!!! هي كده كده الترمبة حتتغير في الضمان بس انا مش حسبهم و حرفع قضية و حبهدلهم...اللهم بلغت اللهم فشهد ياجماعة كل موديل 2015 يروح يشيك على الترمبة عشان دي كارثة ممكن تؤدي بعد الشر لموت!!!

**M7amD_7amDy** · 15-08-2014 05:40 AM

هااااااااااااااااارسود

الحمدلله ياباشا انها عدت على خير

زى مايكون ياجدعاااان بيقتلوا الـ a7 ماتعرفش فى ايه ...نزلوها بالفتيس الملعون وبعدين يغيروا الموتور والفتيس وأدى عيب أهو كمان

ربنا يستر على مستقبل العربية دى والله وحمدلله على سلامتك ياباشا

**طارق _عبد السلام** · 15-08-2014 05:47 AM

المهم حمد لله على سلامتك
ولو فعلا كده وعيب طلمبه البنزين متكرر لازم يتعمل على الاقل استدعاء للعربيات
بس بصراحه اول مره اسمع العيب ده من حضرتك
يبقى كده تسجيل حاله .. عيب فى طلمبه البنزين

**Moratoz** · 15-08-2014 09:11 AM

الف سلامه علي حضرتك ونشوب لو الموضوع دا إتكرر مع أعضاء تانيه

**eng wael** · 15-08-2014 03:13 PM

لا حول ولا قوة الا بالله
حمدالله على سلامتك ودى اهم حاجه
وماتسبش حقك لان الموضوع كان ممكن لا قدر الله ان يؤدى لكارثه

**etsh1986** · 15-08-2014 05:05 PM

انا كنت فعلا بحترم العربية دي بس بعد الي حصل معايا ده كرهتها التوكيل خلاص وقع سكودا الي معاه 215 الف يزود و يجيب جيتا او استرا او كورولا ده العربيات الصيني مبيحصلش فيها كده عربية ب 215 الف تقطع بيك عاى طريق سريع و عاملة 2500 كيلو و يقولك عيب تصنيع مش عارف اقول اية لا تعليق!!!

**arizaro** · 15-08-2014 05:59 PM

المشاركة الأصلية كتبت بواسطة etsh1986

انا كنت فعلا بحترم العربية دي بس بعد الي حصل معايا ده كرهتها التوكيل خلاص وقع سكودا الي معاه 215 الف يزود و يجيب جيتا او استرا او كورولا ده العربيات الصيني مبيحصلش فيها كده عربية ب 215 الف تقطع بيك عاى طريق سريع و عاملة 2500 كيلو و يقولك عيب تصنيع مش عارف اقول اية لا تعليق!!!

حضرتك انا لسه قافل مع التوكيل ، قالولی نتحدی انی المشكله دی تحصل فی العربيه و ان فی اشاعات بتطلع عشان سمعه العربيه تبوظ خصوصا انها بتحاول تقوم بعد حوار الموتور و الفتيس
ممكن حضرتك نتقابل بكره نروحلهم ولا ايه ؟؟ عشان ابهدلهم معاك

-

-

الموضوع: ضروري جدا الى كل ملاك a7 1600 2015!!!!

LinkBack

أدوات الموضوع

عرض

-

-

المواضيع المتشابهه

أسعار وكماليات اوكتافيا a7 1600 cc 2015

مشكله في فتيس a7 1600 2015

ملاك النترا 2015 (استفسارات) على وجه السرعه لو سمحتو

ملاك النترا 2015 (استفسارات)

الساده ملاك هيونداي النترا 2015

الكلمات الدلالية لهذا الموضوع

المفضلات

المفضلات

ضوابط المشاركة