بخلص فى اوبل فيكترا كنت عاوز ارائكم

**mostafamoner** · 15-08-2014 07:49 PM

السلام عليكم ورحمة الله وبركاته

انا قدامى عربية اوبل فيكترا 99 مانويل 1600 سىسى رشة برة ماعدا السقف فابريكة دواخل حالتها العامة كويسة ولسه هتاكد من الماتور والعفشة مطلوب فيها 45000
وممكن اخلص على 43000 كدة السعر كويس ولا عالى ياريت الافادة وياريت برضه لو فى نصايح من الاخوة الاعضاء ابص على ايه واتاكد من ايه فيها وكنت عاوز اعرف هى ممكن تشتغل بنزين 80 ولا لا واخبار استهلاك البنزين بتاعها ايه وقطع الغيار والسفر بيها
وجزاكم الله خيرا

**ناسى الناس** · 15-08-2014 08:32 PM

بالتوفيق ويارب الاعضاء يفيدوك

**Ahmed adel 23** · 15-08-2014 09:51 PM

السعر لو الحاله كويسه والتكيف شغال تمام اعتقد السعر يبقى كويس
واستهلاك البنزين 92 المتوسط اعتقد داخل المدينه 180 كيلو للصفيحه )20 لتر (
وبرضو استنى عمالقه المنتدى تفيدك لانى معلوماتى ضعيفه شويه

**o0Hanafi0o** · 15-08-2014 10:14 PM

السعر ممتاز لو الحاله كويسه والكاوتش مش ماشى كتير وركز فى الحاجات الى لو اخدت العربيه فيها مشكله هتكلفك كتير يعنى الكاوتش العفشه طقم الدبرياج ( اخوج لسا مغيره ومتعور فى مبلغ حلو بس مركب المانى ) وشوف لو التكييف شغال والراجل مسك فى 45 اتوكل على الله ولو التكييف مش شغال وحاله العربيه كويسه بردو اتوكل على الله اهم حاجه الموتور والعفشه وصرفك على العربيه انت وربنا يوفقك فى حاجه كويسه ان شاء الله ومتشغلش بالك بموضوع فبريكه ومش فبريكه

**o0Hanafi0o** · 15-08-2014 10:17 PM

بس انا شاكك ان حالتها كويسه على السعر داه لان العربيه ديه والموديل داه بالذات المانويل فيه اعطاله قليله والمانوال فيه اغلى من الاوتوماتيك والى بيعرضها بيعرض من اول 48 وانت طالع فاكشف كويس على كل حاجه الله يباركلك واعمل حساب كل مليم هتصرفه ؟؟

**eng wael** · 15-08-2014 10:18 PM

ابعد عن المستعمل لانعدام الضمير والذمم فى البيع ده من واقع تجارب ناس بنسمع عنها كل يوم فى المنتدى علشان متجيش بعد شرا السيارة تكتشف ان فيها مشكله وصاحبها مقلقش عليها
دى وجهه نظر وراى شخصى واستخير

**Ahmed_lol2007** · 15-08-2014 11:29 PM

التكييف ثم التكييف ثم التكييف اتاكد انه شغال تمام

**mostafamoner** · 17-08-2014 01:42 AM

المشاركة الأصلية كتبت بواسطة ناسى الناس

بالتوفيق ويارب الاعضاء يفيدوك

يارب ياباشا وشكرا لردك واهتمامك

**mostafamoner** · 17-08-2014 01:48 AM

المشاركة الأصلية كتبت بواسطة ahmed adel 23

السعر لو الحاله كويسه والتكيف شغال تمام اعتقد السعر يبقى كويس
واستهلاك البنزين 92 المتوسط اعتقد داخل المدينه 180 كيلو للصفيحه )20 لتر (
وبرضو استنى عمالقه المنتدى تفيدك لانى معلوماتى ضعيفه شويه

هى طلعت موديل 98 ياباشا هل هتفرق فى حاجة ولا نفس النظام بالظبط وجزاك الله كل خير

**mostafamoner** · 17-08-2014 01:54 AM

المشاركة الأصلية كتبت بواسطة o0hanafi0o

السعر ممتاز لو الحاله كويسه والكاوتش مش ماشى كتير وركز فى الحاجات الى لو اخدت العربيه فيها مشكله هتكلفك كتير يعنى الكاوتش العفشه طقم الدبرياج ( اخوج لسا مغيره ومتعور فى مبلغ حلو بس مركب المانى ) وشوف لو التكييف شغال والراجل مسك فى 45 اتوكل على الله ولو التكييف مش شغال وحاله العربيه كويسه بردو اتوكل على الله اهم حاجه الموتور والعفشه وصرفك على العربيه انت وربنا يوفقك فى حاجه كويسه ان شاء الله ومتشغلش بالك بموضوع فبريكه ومش فبريكه

هى طلعت موديل 98 كدة برضه السعر كويس ياباشا انا فهمت ياباشا من كلامك انك معاك اوبل كنت عاوز قطع غيارها متوفرة ولا صعب وربنا يياركلك فيها ويكفيك شرها وربنا يسهل فى موضوع الكشف عليها دة لانى لسه مش عارف خبرتى قليلة فى العربيات
على العموم جزاك الله كل خير وشكرا لردك واهتمامك