الموضوع: عايز اشد بيجو 504

السلام عليكم ورحمة الله وبركاته

ازيكم ياشباب اخباركم ايه

انا معايا بيجو ٥٠٤ موديل ٧٧ هي l

من سنتين ونص عملت نص عمره للماتور

والعربية ماشية زي الفل بس فى الفتره الاخيره ظهرت معايا مشكلة سخونية الموتور حتى لما اكون مسافر بليل عشان الجو يبقا كويس العربية بتسخن يعني لو مشيت ١٢٠ او بعد كده العربية تبقى نار ولو في زحمة فى الطريق الى ماشى فيه وواقف الحراره بتتطلع للأخر مع العلم غيرت طرمبة المية والريداتير قبل كده ونفس المشكلة

ومشكلة تانية احيانا عزم العربية بتبقى ضعيف جدا وسحبها بيبقى ضعيف هي ومزاجها واحيانا بتبقى زي الفل

المهم انا حاليا عايز اشد العربية شده نضيفة وباذن الله ناوي اظبطها فى الزقازيق

بس عايز نصايحكم وعايز حل لمشكلة السخونية لاني دايما بسافر بالعربية وعايز اجيب جنط السبور ده الاقيه فين الى هو مشهور واغلب العربيات بتركبه وسعره كم

وايه اكتر حاجة تتظبط فى الموتور عشان عزم العربية يبقى شديد وتتظبط معايا ع الطريق بعد ماشدها

واي نصايح منكم تتعمل ياريت تقولوهالي

شكرا ليكم ^ـ^

السلام عليكم

في مرايات شفتها الى هي ف الصورة دي


حد يفيدني الاقيها فين وسعرها كم

والجنط ده


سعره كم لو حد يعرف وبالنسبة لجنوط الـ BBS للبيجو شفت عربيتين في بورسعيد والمنصورة مركبينه بس للاسف معرفتش اسالهم هل هما نفس المقاس ولا ايه ؟ وسعرهم كم وهل اقدر اركبهم بدون مشاكل ع العربية او العفشة ؟

وبخصوص السخونية سمعت اكتر من واحد هنا بس المواضيع دي قديمة ان بيغير الريداتير بريداتير تاني المونيا هل ده فعلا حل مظبوط ؟

بالنسبة للكربراتير ايه افضل كربراتير ممكن اجيبه ويكون ادائه حلو واستهلاك البنزين فيه مش عالى

انا عربيتي L موديل ٧٧