الموضوع: زجاج أمامي (بربريز) قشقاي

ربنا يعوض عليك ... بس اسعار اوفر اوي

ايه الاسعار ديه...اكيد في بدايل

المشاركة الأصلية كتبت بواسطة tatasamy

السلام عليكم أهل نيسان،

كالعادة، ورجولة تريلات الدائري جاتلي ظلطة والحه في البربريز وعملت النقرة التمام! المهم رحت ل د/خالد لمعالجة الشروخ فنصحني انه مااصلحوش واغيره!!!!!

ليه؟ عشان القشقاي الزجاج بتاعها بيشرخ تاني مهما اتعالج! وبسؤال الوكيل عن الزجاج الأمامي وضح انها مجموعة بتتغير:
- زجاج أمامي أصلي 3500
- جوان زجاج 1000
- حساس المطر 2200
- لاصق زجاج و مصنعية تركيب

حاجة كده بتاع 8 ألاف جنيه :) مسخرة فعلا بجد....المهم الموضوع مش في كدة

الموضوع هل هيرجه ذي الفابريكا لو اتغير؟! يعني هل بعد المبلغ ده كله هيعرفوا يرجعوه ذي ماكان بالضبط ولا ايه؟؟؟! بصراحة الرقم كبير وانا فعلا عالجته مؤقتاٌ، بس هوه وراني فعلا عربية قشقاي عالجها 4 مرات لنفس النقرة والشرخ!

انصحوني يارجالة اعمل ايه؟ ولو حد غير بربريز بالوكيل رجع ذي ما كان؟!

الحمد لله على كل حال وانها جت على قد كده .....
زجاج العربيات فى الدنيا كلها واحد واكيد فى حاجه غلط فكﻻم الراجل ده ﻻن الكﻻم مش منطقى .
عموما حضرتك قمت بأسلم حل وهو معالجة الشرخ وتابعه وﻻحظ هل هيزيد وﻻ ﻷ .
كبديل ممكن دكتور جريش اكيد هيبقى ارخص بس هتفقد ميزة حساس المطر وممكن تستعلم من التوكيل عن امكانية تركيبهم للحساس على زجاج جريش .
وللعلم زحاج البربريز الامامى للكيا ريو ب 2000 جنيه مع الاخذ فى الاعتبار فرق السعر مابين العربيتين ،،، لكن ده ﻻيمنع من وجود استغﻻل وانا بسميه نصب على العمﻻء فى التوكيﻻت .
عموما ربنا يرحمنا دى ضريبة الجديد .
بالتوفيق ورأى متغيرش حاجه وتابع الكسر