شراء سيارة جديد

**hytho** · 17-08-2014 03:34 PM

السلام عليكم و رحمة الله و بركاته

أنا من مصر و ابنى لسه مخلص ثانوية و الحمد لله نجح

فكنت عايز راى حضراتكو فى كام حاجه كده

اولا هل عادى انى أجيبلو عربية فى أول سنة جامعة و لا الموضوع ده مبالغ فيه
و لو عادى أجيبلو المفروض أنسب و قت للشراء حاليا و لا كام شهر لما كل موديلات 2015 تنزل
و انا كنت حاطط 150 كرقم لو هاجيلو هيبقى فى الحدود ديه
فمسنى رايكم و مساعدتكم

و شكراا

**sasatony** · 17-08-2014 04:41 PM

والله هو حسب احتياجوا للعربية وانت شايفه فعلا محتاج العربية وهيكون عاقل يعني وهو بيسوق هيبقي هادي ولا هيقضيها جري وربنا يستر
وبعدين لو عاوز تجيبلو عربية ممكن تجيبلو حاجة مستعملة نضيفة او تجيبلو مثلا فيرنا او افيو او لوجان يعني
والرأي ليك طبعا في الاول وفي الاخر

**skoda1996** · 17-08-2014 05:02 PM

ساكن فين ؟ و الكلية فين ؟
المسافة اليومية للسفر كام يعني ؟
مع اني لا افضل القياده للسن الصغير ... الثانوية العامة يعني لسه 17 سنة تقريبا ... صح ؟

**hilal** · 17-08-2014 05:06 PM

اهم شيء لازم تتأكد انه عاقل في القيادة وغير متهور
وانصحك بعربية مستعملة في البداية ، عشان الحسد
ربنا يحفظه من كل سوء ويجعله ابنا بارا بوالديه

**ENG.MaRk** · 17-08-2014 05:12 PM

-أولا: ألف مبروك و ربنا يباركلك فيه
-ثانيا: من وجهة نظري مبلغ 150 ده أوفر أوي
-ثالثا: لو الجامعة بعيدة عن البيت و حضرتك شايف إنه محتاجها ضروري مفيش مانع
-رابعا:لو حضرتك مصمم يبقي ابعد تماما عن نيسان جوك أو هيونداي فيلوستر أو جولف أو سيات ابيزا و ليون أو أي عربية مغرية للجري و أعتقد إني مش محتاج أشرح السبب لأن حضرتك عارف طيش الشباب و مهما كان ابن حضرتك هادي في سواقته لازم في يوم من الأيام هتكبر في دماغه يقفل عداد مثلا

**ENG.MaRk** · 17-08-2014 05:12 PM

-أولا: ألف مبروك و ربنا يباركلك فيه
-ثانيا: من وجهة نظري مبلغ 150 ده أوفر أوي
-ثالثا: لو الجامعة بعيدة عن البيت و حضرتك شايف إنه محتاجها ضروري مفيش مانع
-رابعا:لو حضرتك مصمم يبقي ابعد تماما عن نيسان جوك أو هيونداي فيلوستر أو جولف أو سيات ابيزا و ليون أو أي عربية مغرية للجري و أعتقد إني مش محتاج أشرح السبب لأن حضرتك عارف طيش الشباب و مهما كان ابن حضرتك هادي في سواقته لازم في يوم من الأيام هتكبر في دماغه يقفل عداد مثلا

**Adnfalcon** · 17-08-2014 05:34 PM

لو السكن جنب الجامعه ب مواصله واحده مثلا يبقي بلاش عربيه عشان ميشغلش باله بيها و يهمل الدراسه بسببها

**hytho** · 18-08-2014 04:27 AM

شكراا على الردود
هىو عنده 19 سنة
و احنا ساكنين فى الهرم و هو دخل القصر العينى فالمسافة مش بعيدة
بالنسبة لموضوع التهور اعتقد ان شباب اليومين دول كلهم كده و الموضوع ده مخلينى متردد لكن اللى انا فهمو ان كل أصحابه معاهم عربيات فحسيت منت كلامه و كلام اصحابى ان الموضوع لازم

**Adnfalcon** · 18-08-2014 04:33 AM

المشاركة الأصلية كتبت بواسطة hytho

شكراا على الردود
هىو عنده 19 سنة
و احنا ساكنين فى الهرم و هو دخل القصر العينى فالمسافة مش بعيدة
بالنسبة لموضوع التهور اعتقد ان شباب اليومين دول كلهم كده و الموضوع ده مخلينى متردد لكن اللى انا فهمو ان كل أصحابه معاهم عربيات فحسيت منت كلامه و كلام اصحابى ان الموضوع لازم

لا مش لازم يعمل كل حاجه زي اصحابه لأن كل حاجه وليها وقت

**DODGE2013** · 18-08-2014 05:07 AM

من الاخر كده

هاتله اي عربيه يوزد تكون حالتها ممتازه ومش محتاجه مصاريف 50 ولا 60 الف

سنه ولا سنتين وبعدين ابقى هاتله ب 150 ولا 250 الف

ولو عايز الصح سيبه اول 6 شهور يتبهدل في المواصلات وبعدين هاتله عربيه يوزد ب 50 مدة سنه

وبعدها هات الي انت عايزه سعتها حايقدر الحاجه الي في ايده

والافضل انك تعملها تدريجي

اول سنه خليه مواصلات

قوله لو شديت حيلك ونجحت بتقدير حجبلك عربيه يوزد d: حيفرح

وابقى خلي الجديده هدية التخرج مش حيصدق نفسه وحتلاقي تقديرات زي الفل ههههههههههههههههههههههههه هههههه تبقى عملت معاه الصح

لاكن صدقني لو جبتله جديد من البدايه ب 150 ولا 200 الف حيصيع وحيتلم عليه صاحب السوء

اسمع كلام مجرب ولا تسمع كلام طبيب وانت حر ابنك مهما تكون واثق فيه الصحاب حيأثروا عليه

الموضوع: شراء سيارة جديد

LinkBack

أدوات الموضوع

عرض

-

-

-

-

المواضيع المتشابهه

طلب من عضو جديد بخصوص شراء سيارة

هام عند شراء كوتش جديد

مطلوب شراء سيارة دايو ليجانزا من الاسكندريه او البحيرةمطلوب شراء سيارة دايو ليجانزا م

مساعده فى شراء لاب توب جديد

شراء dvd جديد

الكلمات الدلالية لهذا الموضوع

المفضلات

المفضلات

ضوابط المشاركة