افيدوني يا أهل الخبــــره ، كاوتش 13

**Boriooo** · 17-08-2014 04:32 PM

أنــا عارف ان الموضوع ده اتهرس في 100 موضوع قبل كده لكن انا لفيت كتير وبصراحه محتــار ومش فاهم

مين الاحسن خصوصاً إن كل المواضيع قديمه ، انا من 5 شهور اشتريت كاوتش بريدجستون 13 وتجربتي

معاه سيئه جداً وناشف جداً وعايز اغيره ، عايز حاجه تكون طريه في المطبــات وتريح العفشه .

ميشلان ؟ ولا كومهو ؟ ولا ايه بالظبط ، بالنسبه للسعر فا هو مش مشكله المهم راحه العربيه والمهم اني

ابعد عن بريدجستون ، طبعاً الياباني منه ممتاز لكن الي انا جبته كان تايواني او اندونيسي مش فــاكر .

ساعدوني :d

13/175/70

**Adnfalcon** · 17-08-2014 05:28 PM

أكيد طبعا ميشلان متجرب رقم 1 علي مستوي العالم وتقعد معاك لحد 60000 كم مع التدوير
فرامل وثبات و نعومه ومستحيل بلالين تطلع
الغالي تمنه فيه

**Boriooo** · 17-08-2014 05:47 PM

المشاركة الأصلية كتبت بواسطة adnfalcon

أكيد طبعا ميشلان متجرب رقم 1 علي مستوي العالم وتقعد معاك لحد 60000 كم مع التدوير
فرامل وثبات و نعومه ومستحيل بلالين تطلع
الغالي تمنه فيه

طيب يا باشا اصل انا اتقلي الكلام ده على البيردجستون واديني لبست في الحيط وخسرت 1000 جنيه ـ هل ميشلان في المقاس الي انا بتكلم عليه كويس ؟ 13/175/70 ؟ وهل ميشلان في المقاس ديه فيه كذا نوع وكذا صناعه وايهم افضل ؟ لاني كلمت غطاطي بيقولي عندي ميشلان تايلاندي والإنجليزي خلصان ؟ اجيب ميشلان اصلي منين ومش مهم التكلفــه .

**Adnfalcon** · 17-08-2014 05:58 PM

ميشلان فيه منه 3 موديلات كل موديل بسعر مختلف و تكنولوجيا مختلفه
أنا مركب عندي xm2 دي فعلا تحفه بتديك توفير ف استهلاك البنزين و قوه فرمله أعلي و فيه 2 موديل أغلي وأعلي كمان
معلش انا مش من القاهره عشان أدلك
و هات اي ميشلان سواء فرنساوي او انجليزي او او او . . .

**amer_aboamer** · 17-08-2014 10:50 PM

ياباشا أنا مركب بيريللى من 7 شهور والطقم كان عامل 1400 جنيه وماشاء الله حاجة جميلة جدا ومريحة جدا ومن يوم ماركبتهم كل شهر أروح أظبط الضغط بتاعهم وشكرا
أما بالنسبة للميشلان كان بيصفر معايا على الطريق وكنت أروح أكشف على الزوايا ألاقيها مظبوطة وإكتشفت بعد كده إن الكاوتش السبب لأن الميشلان بيعوز عربية تقيلة أما الملاكى بتاعنا فدا دلع بالنسبة ليه

**abo hamza** · 18-08-2014 01:12 AM

توكل علي الله وهات جينرال اوروبي سعره زي الميشلان هتحس بفرق جامد جدا

**أحمد عثمان** · 19-08-2014 02:12 PM

ركب الهانكوك, أنا مركبه حالياً و باسم الله ما شاء الله بقاله معايا 60000 و النقشة لسة فيها ممكن تشتغل كمان بس مش سفر.
و الحقيقة و لا بلالين و لا صوت عالي بس لما تقعد بيه زيي كده لحد أكتر من 55000 كم حتلاقيه بيصرخ في الفرامل صرخة مش جامدة بس واضحة.
التقييم العام ممتاز و طري و مفيش صوت و كمان سهره مناسب جداً على إمكانياته.
نصيحة بلاش تغلى أوي في الكاوتش لأن الشوارع في مصر للأسف ممكن تبهدل أجدع فردة.
إن شاء الله أنا ناوي أركبه تاني قريب.
ربنا يوفقك.

**Boriooo** · 21-08-2014 11:10 AM

شكراً ليكوا يا جمــاعه ، انا سألت على الميشلان والهانكوك ؟ بس مين فيهم احسن بالنسبه للعفشه ؟

**Adnfalcon** · 21-08-2014 03:34 PM

المشاركة الأصلية كتبت بواسطة Boriooo

شكراً ليكوا يا جمــاعه ، انا سألت على الميشلان والهانكوك ؟ بس مين فيهم احسن بالنسبه للعفشه ؟

هتقارن ميشلان مع هانكوك !!!
الغالي تمنه فيه وأنا عايزك تسأل عن "موديلات واصدارات" ميشلان ال xm2 و 4 و primacy وتشوف براءات الاختراع والتكنولوجيا والمبيعات ع مستوي العالم

**أحمد عثمان** · 23-08-2014 10:18 AM

ياريت ياجماعة اللي عايز ينصح , يقول تجربة حصلت معاه , بلاش الكلام على السمعة و إن دي أكبر شركة في العالم و الحاجات دي , لأن كل شركة عندها الكويس و السيئ , فلازم نرجع للتجربة العملية.
ربنا يوفقكم.

الموضوع: افيدوني يا أهل الخبــــره ، كاوتش 13

LinkBack

أدوات الموضوع

عرض

-

-

-

-

-

المواضيع المتشابهه

هل كاوتش لاسا كاوتش خدمه شاقه ؟؟

احذروا كاوتش الدانلوب و كاوتش الكونتيننتال !!!!

أيهما افضل: مقاس اكبر بوصة + كاوتش طري ولا نفس المقاس + كاوتش رياضي

افيدوني في تغيير كاوتش 14

افيدوني

الكلمات الدلالية لهذا الموضوع

المفضلات

المفضلات

ضوابط المشاركة