موضوع الحكة اللى فى المطبات دى هايجننى .. فى الياريس الجديد حد عنده حل ؟؟؟؟

**أيمن كور** · 17-08-2014 05:11 PM

السلام عليكم
السادة الافاضل

الموضوع بقى ينرفز فعلا ...
كل مطب لازم أهدى قوى و اطلع أبطئ من السلحفة علشان العربية ما تحكش
المصيبة انى مش محمل العربية و لا حاجة انا و زوجتى وولدين صغيرين و الشنطة فاضية
العربية حلوة و كل حاجة كويسة بس الموضوع بقى مستفز
إمبارح عملت مصيبة كبيرة ... غلطة عمرى !!
ركبت اسرتى و كان معايا حمايا و حماتى راجعين من المصيف قولت أوصلهم على سكتى
و عينك ماشوف الا النور فى شارع مصطفى كامل فى اسكندرية كمية مطبات غريبة المهم مش عايز اوصف الاصوات اللى طلعت من تحت العربية فى كل مطب لدرجة انى بقيت انزل الولاد و زوجتى علشان العربيى تعلى شوية و ماتحكش ... فعلا غلطة انى حملت العربية

هل كل ملاك الياريس الجديد عندهم نفس المشكلة ؟؟
طيب هل فى حل ليها ؟؟ ... و ايه الضرر اللى ممكن يحصل للعربية من تكرار الحكة فى المطبات ؟

لو المشكلة دى عند كل اللى عندهم الياريس الجديد ما نحاول نتجمع و نشتكى فى التوكيل علشان يشوفوا حل زى ما عملوا مع الكرولا ؟؟؟؟؟

إيه رأيكم ؟؟؟

**Adnfalcon** · 17-08-2014 05:19 PM

فعلا شوف التوكيل الأول . . لو معملش حاجه
اشتري علايتين الومنيوم وروح لبتاع عفشه كويس يركبهم وانسي المطبات والتكلفه فحدود 50 جنيه مش أكتر

**aymanshebl** · 17-08-2014 05:35 PM

والله المشكلة فى العربية المشكلة فى الطرق او اشباه الطرق اللى هنا هى ديه المشكلة صناع السيارات بتصنع سيارات لطرق ليها مواصفات معينة هنا مافيش اى مواصفات كل حاجة ماشية بالعك شوف التوكيل و ربنا يكرم

**khaled_yehya** · 17-08-2014 06:09 PM

متابع

**mohamed boy** · 17-08-2014 07:34 PM

الطرق وحشة

**heldin_67** · 17-08-2014 08:12 PM

كان الله في عونك اختار الشوارع اللي تمشي فيها في اسكندريه نفس الحكات الفظيعه حصلت معايا و نفس الشارع دي جبال مش مطبات و تلاقي الميكرباص معدي عادي لازم تراجع التوكيل لتعليه العربيه

**doratos** · 17-08-2014 09:35 PM

انا الكورولا معايا نفس الكلام....العربية جميلة.....لكن لما اجى قدام مطب....ببقى عايز اعيط.....

**أيمن كور** · 18-08-2014 01:15 AM

طيب ما هو كده فى مشكلتين لو أنا حطيت علايتين ...أولا كده هاخرج من الضمان
ثانيا ده أكيد هايأثر على حاجات تانية فى العربية أولها الثبات مثلا
أكيد ممكن نلاقى حل مع التوكيل لو المشكلة عامة مش حاجة خاصة بعربيتى بس
انا فى صيانة الألف طلبت منهم يشوفوا الموضوع ده سببه إيه .. الغريبة إنه قاللى الموضوع ده ماحدش إشتكى منه خالص !!!!

طبعا حوار لأن الاستاذ محمد على اشتكى منه فى موضوع تانى و سمعت عن ناس برضه معاهم نفس المشكلة
طيب .. دلوقتى لو مافيش حل يبقى لازم توكيل تويوتا من مبدأ المعاملة بالمثل - زى ما عمل مع الكرولا - يتكفل بحل المشكلة دى فى حالة الشكوى العامة .. ولا إيه رأيكم ؟؟؟

**Ali Mohamed** · 21-08-2014 08:14 AM

المشاركة الأصلية كتبت بواسطة أيمن كور

طيب ما هو كده فى مشكلتين لو أنا حطيت علايتين ...أولا كده هاخرج من الضمان
ثانيا ده أكيد هايأثر على حاجات تانية فى العربية أولها الثبات مثلا
أكيد ممكن نلاقى حل مع التوكيل لو المشكلة عامة مش حاجة خاصة بعربيتى بس
انا فى صيانة الألف طلبت منهم يشوفوا الموضوع ده سببه إيه .. الغريبة إنه قاللى الموضوع ده ماحدش إشتكى منه خالص !!!!

طبعا حوار لأن الاستاذ محمد على اشتكى منه فى موضوع تانى و سمعت عن ناس برضه معاهم نفس المشكلة
طيب .. دلوقتى لو مافيش حل يبقى لازم توكيل تويوتا من مبدأ المعاملة بالمثل - زى ما عمل مع الكرولا - يتكفل بحل المشكلة دى فى حالة الشكوى العامة .. ولا إيه رأيكم ؟؟؟

ا/ ايمن انا معاك ان العربية بتحك في المطبات لو انت محمل وداخل بسرعة على المطب بس انا طالب منك طلب لو ممكن تجرب الكورولا 2014 الأول وبعدين اعمل مقارنة وهل فعلا السيارة تحتاج الى تعديل ولا ايه -*انا عارف ان طول عمر اليارس كل حاجة فيها ناعمة جدا حتى المساعدين علشان كدا بتحك في المطبات العالية العشوائية لو محمل بس مش مشكلة اليارس لوحدها

**أيمن كور** · 21-08-2014 10:00 PM

أستاذ على العربية اللى محملة دى بيبقى فيها على الاقل 5 اشخاص كبار علشان تقدر تقول محملة ده بالنسبة للياريس طبعا فى عربيات كتير العدد ده الطبيعى
انا حمولتى فى العربية انا و زوجتى و طفلين فى الكنبة اللى ورا أعتقد ده الطبيعى لأى عربية أو اقل كتير
انا ما اعرفش الكرولا 2014 اخبارها ايه لأنى ما جربتهاش بس ممكن أقول لحضرتك ان الميجان اللى كانت معايا
ماحكتش منى فى مطبات و ثباتها ممتاز .... أنا عارف ان دى فئة و دى فئة كمان الاوروبى غير اليابانى

علشان كمان أكون واضح أكتر العربية فى حد ذاتها جميلة و قيادتها ممتعة و مناورتها تحفة
لكن مافيش حاجة كاملة علشان كده لما يكون فى حاجة مش مظبوطة فى العربية خاصة انها جديدة فى السوق
لازم نناقشها و نشيل من دماغنا موضوع اننا بنوقع سوقها او اننا بنقول العربية تعبانة بالعكس احنا عايزين العربية تاخد حقها فى السوق و احنا كمان ناخد حقنا فى متعة الركوب لأن العربية تستاهل بس مع شوية ملاحظات
و لما التوكيل يلاقى الملاحظات متشابهة و متكررة ممكن يعيد تقييم الموضوع و لو فى حل نستفيد منه كلنا ..

و لا ايه رأى حضراتكم