الموضوع: من حلوان الى الاسكندرية

المشاركة الأصلية كتبت بواسطة sherif_elaaser

السلام عليكم / لو سمحت كنت بسال لو عايز اسافر ان شاء الله من حلوان الى الاسكندرية عن طريق الطريق الدائرى / ممكن حد يشرح لى الطريق وشكرااا

اولا : توصل بالسلامة
ثانيا : حضرتك هاتخرج من حلوان الى الاوتوستراد ( اما من طريق جامعة حلوان او طريق المصانع او طريق المرصد )
من الاتوستراد حتى المعادى ( صقر قريش ) تقاطع الدائرى تطلع الدائرى فى اتجاه المنيب ثم تكمل طوالى حتى وصلة المريوطية طبعا تخليك على الشمال علشان تطلع الوصله فى نهاية الواصلة برده تاخد شمال و تنزل من الواصلة و تكمل طوالى - اول نازلة على يمينك اسمها الرماية و دي هاتوديك اول طريق اسكندرية الصحراوى - بس ده الطريق القديم اللى فيه فندق الواحة و انا مابحبوش لانه ضيق و مكسر فى اماكن كتيرة
لو تركت اول نازلة يمين و كملت طوالى كانك رايح 6 اكتوبر طريق الواحات ( و اوعى تنزل شمال هاتلاقي نفسك فى ميدان الرماية راجع )
هاتكمل طوالى و تاخد الداخلة الشمال الجديدة احسن و انضف و دى برضه ها تاخدك لاول طريق اسكندرية الصحرواى
و لما عند مدخل العجمى الكيلو 21 ابقى حاول تشوف هما خلصوا الاصلاحات و لا لأ لو لسه يبقى اعمل يو ترن و ادخل طريق العجمى و خد الطريق الدولى احسن لك
و اوعى تتوه و تروح برج العرب
و ربنا معاك و توصل بالسلامة