ارتفاع درجة الحرارة صني 2012

**mema75** · 18-08-2014 12:07 PM

عندي مشطله فى عربية صنى 2012 العربيه عامله 175 الف وفيه مشكله ان عداد الحراره بيرفع فوق النص اول ما اوصل لسرعة 120 بيوصل لحد ال 3/4 ولما ارفع رجلى والسرعه تنزل تحت ال 100 العداد بيرجع لوضعه الطبيعي تحت النص غيريت المياه وغسلت البلوك وغيرت ترموستات الحراره فى التوكيل ولسه المشكله موجوده وجربت امشي بالليل حصل نفس المشكله

فى الاول كان الموضوع ده بيحصل عند ال160 بعدين وصل لل 140 ودلوقتى عند 120
ياريت لو حد عنده فكره ايه المشكلة يساعدني
جزاكم الله خيرا

**kaza** · 18-08-2014 12:41 PM

جوان وش سلندر باظ وبيسرب ضغط مع زيادة لفات الموتور كبس سلندر او اكتر بيهرب وبيروح لدورة التبريد يعيق حركة مياة التبريد والحرارة تعلي ولما بتشيل رجلك التسريب بيقل والهواء اللي في الدورة بيهرب من القربة والتبريد بيرجع تاني اكشف علي كبس الموتور الاول ولو لقيت فرق بين قراءة السلندرات فوق 1بار يبقي اكيد الجوان عايز يتغير

**أحمد جودة** · 18-08-2014 02:17 PM

المشاركة الأصلية كتبت بواسطة kaza

جوان وش سلندر باظ وبيسرب ضغط مع زيادة لفات الموتور كبس سلندر او اكتر بيهرب وبيروح لدورة التبريد يعيق حركة مياة التبريد والحرارة تعلي ولما بتشيل رجلك التسريب بيقل والهواء اللي في الدورة بيهرب من القربة والتبريد بيرجع تاني اكشف علي كبس الموتور الاول ولو لقيت فرق بين قراءة السلندرات فوق 1بار يبقي اكيد الجوان عايز يتغير

تحليل رائع واكترمن ممتاز بس اعتقد يمكن يكون فيه زيت فى قربة المياة او الزيت مطحن تقبل تحياتي

**mema75** · 18-08-2014 03:34 PM

شكرا جزيلا على اهتمامكم وسرعه الرد
لكن انا روحت توكيل نيسان عندنا هنا فى الغردقة ووصل العربية بالكومبيوتر وقالى ان مفيش مشكله فى دورة التبريد وان العربية مظبوطه انا حاسس انهم مش فاهمين لانى امبارح بالليل بعد ما كشفوا على العربية سافرت بيها سفاجا ( 50 كيلو جنوب الغردقة ) عند ال 120 عداد الحرارة عدا النص وكنا بالليل
مش عارف اعمل ايه ؟؟؟؟؟؟

**kaza** · 18-08-2014 05:11 PM

توصيل العربية بجهاز كشف الاعطال مش هيديك نتيجة الحل قياس كبس الموتور لتحديد التسريب من اي سلندر بالضبط بالنسبة لعدم وجوت اثار للزيت في المياة والتي بتعتبر العرض الرئيسي لجوان وش السلندر في بداية عطب الجوان وبالاخص بجوار السلندرات او غرف الاحتراق بتكون ضغوط اشواط القدرة عالية بتوصل ل550 بار واكثر نتيجة تمدد غازات الاحتراق وبالتالي سهل هروبها لمسارات الزيت والمياة والتي ضغوطها لا تتجاوز ال8بار وبالتالي ب
مابتهربش الزيوت والمية الا في حالات التلف الشديد لجوان الموتور

**mema75** · 19-08-2014 01:10 PM

المشاركة الأصلية كتبت بواسطة kaza

توصيل العربية بجهاز كشف الاعطال مش هيديك نتيجة الحل قياس كبس الموتور لتحديد التسريب من اي سلندر بالضبط بالنسبة لعدم وجوت اثار للزيت في المياة والتي بتعتبر العرض الرئيسي لجوان وش السلندر في بداية عطب الجوان وبالاخص بجوار السلندرات او غرف الاحتراق بتكون ضغوط اشواط القدرة عالية بتوصل ل550 بار واكثر نتيجة تمدد غازات الاحتراق وبالتالي سهل هروبها لمسارات الزيت والمياة والتي ضغوطها لا تتجاوز ال8بار وبالتالي ب
مابتهربش الزيوت والمية الا في حالات التلف الشديد لجوان الموتور

ياباشا الف شكر لاهتمامك
معلش هاصدعك شويه لو في مشكله فى وش السلندر العربيه بتاخر فى الدوارة صح لان الكبس بيكون مش مظبوط الكلام ده صح ولا انا معلوماتي خلط
العربية بدور من غير ما تاخر
انا شاكك فى دورة التبريد عموما ولا ايه رائي حضرتك

**kaza** · 19-08-2014 11:57 PM

وش السلندر لو بيفوت كبس جامد العربية فعلا مش بتدور من الاساس لكن في حالتك بيكون تسريب ضعيف بيبان مع ارتفاع اللفات فوق 3000لفة لما بتزيد ضغوط السلندرات وتتداخل الاشواط بالنسبة لوحدة الزمن وبالتالي قوة الضغط بتكون اعلي بكتير عن ضغط دوران المحرك الخامل وبرضة خد بالك انت ماقولتش ان كنت عملت شغل قريب في الشكمان ممكن يكون فية اعاقة بتقلل انسياب العادم وبالتالي المحرك ترتفع درجة حرارتة بارتفاع اللفات لازم تكشف علي انضغاط المحرك لوالشكمان ماجيتش ناحيتة خلال المدة اللي فاتت ولو الكبس سليم اكيد العيب شكمان مسدود وبالاخص علبة البيئة

**Dr.a.osman** · 20-08-2014 03:25 AM

المشاركة الأصلية كتبت بواسطة kaza

وش السلندر لو بيفوت كبس جامد العربية فعلا مش بتدور من الاساس لكن في حالتك بيكون تسريب ضعيف بيبان مع ارتفاع اللفات فوق 3000لفة لما بتزيد ضغوط السلندرات وتتداخل الاشواط بالنسبة لوحدة الزمن وبالتالي قوة الضغط بتكون اعلي بكتير عن ضغط دوران المحرك الخامل وبرضة خد بالك انت ماقولتش ان كنت عملت شغل قريب في الشكمان ممكن يكون فية اعاقة بتقلل انسياب العادم وبالتالي المحرك ترتفع درجة حرارتة بارتفاع اللفات لازم تكشف علي انضغاط المحرك لوالشكمان ماجيتش ناحيتة خلال المدة اللي فاتت ولو الكبس سليم اكيد العيب شكمان مسدود وبالاخص علبة البيئة

جوان وش سلندر يا باشا و متلفش كتير! الوالد معاه نيسان صنى سوبر صالون 2006 و الحرارة بتعدى النص بعد ال 130 لو الجو حر أو لو طالع مطلع جامد. غيرت رادياتير و ثرموستات و راجعت على الاكواع و علبة الشكمان ( فلتر البيئة) و مفيش حاجة اتغيرت مع العلم ان العربية مش بتاكل مية ولا زيت و بتشتغل بدون تأخير. للأسف بحاول أقنعه يغيره بس هو مش راضى و بيمشى على 100_ 120 كم و متعايش مع الوضع !!!!

**Ramy Azmy** · 23-08-2014 03:07 PM

المشاركة الأصلية كتبت بواسطة mema75

عندي مشطله فى عربية صنى 2012 العربيه عامله 175 الف وفيه مشكله ان عداد الحراره بيرفع فوق النص اول ما اوصل لسرعة 120 بيوصل لحد ال 3/4 ولما ارفع رجلى والسرعه تنزل تحت ال 100 العداد بيرجع لوضعه الطبيعي تحت النص غيريت المياه وغسلت البلوك وغيرت ترموستات الحراره فى التوكيل ولسه المشكله موجوده وجربت امشي بالليل حصل نفس المشكله

فى الاول كان الموضوع ده بيحصل عند ال160 بعدين وصل لل 140 ودلوقتى عند 120
ياريت لو حد عنده فكره ايه المشكلة يساعدني
جزاكم الله خيرا

انا حصل الموقف دة بالظبط معايا من ا سبوعين و الحمد لله رحت لبتاع الريداتيرات و خيرني ما بين تنظيف الريداتر او تغييرة بس كانت حالة الريداتير ما تصرش فغيرت الريداتير و العربية بعدها بقت تمام روح
بس نصيحة لو حتنظف الريداتير متنظفهوش بضغط المياه خلي بتاع الريداتيرات يعملوا حاجة اسمها. تسييخ