***((( خبطة صغيرة جدا عايز اعالجها )))***

**mr.moustafa** · 18-08-2014 12:55 PM

السلام عليكم ورحمة الله وبركاته

عربيتي سيراتو 2015 و لسه ماكملتش شهر
الحمد لله الموضوع بسيط جدا و انا راكن في موقف عام رجعت لقيت خبطة صغيرة في الباب الخلفي نتيجة ان اللي كان واقف جنبي فتح الباب بتاعه بغشم الله يجازيه
الحمد لله الخبطة صغيرة ادت لخدش بطول 2 سم و الصاج انبعج بشكل دائرة قطرها 3 سم انبعاج خفيف
طبعا هي مش باينة أوي لأنها صغيرة بس مضايقاني جدا و كل ما اركب العربية عيني تروح على مكانها

هل ممكن تتعالج بطريقة سهلة ؟؟؟؟؟

**hany63** · 18-08-2014 08:28 PM

لا للاسف سيبها و انساها و كل ما باب هيريح عليها معرضه لكده ابقى خلي بالك و انت بتركن انك تبقى بعيد و دايما تتوقع الغباوه
انا لسه عربيتي مخبوطه النهارده للاسف قدام المرور قبل ما تعلق نمر بطريقه فيها تعمد الظاهر فيه ناس معقده نفسيا بتتجنن لما بتشوف غيرها راكبه حاجه محترمه

**iNjECTOR** · 29-08-2014 07:28 PM

لا ممكن الانبعاج ده يتعالج ....
بالشفط ...
كنت راكن تحت العمارة وده بيكون نادر سيبت العلابية بالظبط 40 دقيقة ورجعت لاقيت إنبعاج فى عصب الاكصدام الامامى وكان حجمها 2 * 2 وإتعكننت جدا بس رحت للمشحمة اللى بتعامل معاها وسألته دلنى على ورشة سمكرة للحاحجات اللى ذى كده
جاب قطعة معدن مدورة بمسمار قلاووظ ولازقها على منظقة الانبعاج وجاب عمود رفيع طويل بيمشى جوه عامود تانى عامل زى بستم العربية وربطه بالمسمار اللى فى القطعة اللى لزقها على الانبعاج ... وبعدين
تك تك لفوق الانبعاج إختفى
انا مش من سكان القاهرة علشان كده معرفش حاجة زى كده ممكن تتقدملك فين