الموضوع: ما بعد تجربة التكييف للماروتي لمدة شهر ونصف

شباب ونسور السوزوكي .. السلام عليكم ورحمة الله وبركاته ، وكل عام وانتم بالف خير

طبعا انا كنت مركب تكييف ساندن للماروتي من قبل شهر رمضان بكام يوم
وطبعا عانيت كتيير قوي بسبب سخونة العربية الزايدة عن اللزوم وقلة كفائة التكييف !!
لحد ما الحمد لله كله ظبط .. السخونية مابقيتش تعدي النص وكفائة التكييف بقيت الا حد كبيير ظريفة مقارنة بالجو الخارجي

بالنسبة للسحب فكان مخنوق شوية .. لاكن شغال برضو .. مش هاتفرق ساعتها لانك مشغل التكييف
بس لو في مطلع بحس ان العربية مش قادرة تقاوام وبتطلع بالعافية .. وكل الكلام ده منطقي الا حد ما

نيجي بقا للاهم وهي كفائة التكييف ...
طبعا .. لو في عز الشمس والجو حر التكييف هنا تقريبا مش بيشتغل كويس .. لاكن لو فتحت الشباك وقفلت التكييف ساعتها هاتحس ان التكييف الضعيف ده كان ارحم بكتيير
لو الشمس خفت سوية والساعة مثلا 5.30 .. التكييف بيبقى شغال افضل بكتيير .. وطبعا لو بليل بتبقى مبسوط .. والحمدلله

جربت التكييف في كل الاوقات وكانت النتيجة الاجمالية .. زي الفل وافضل بكتيير من عدمه

لاكن .. بعد مرور شهر ونص ... حصلت معايا حاجة غربية
وانا ماشي وكنت مشغل التكييف عادي زي اي يوم .. وقومت محضن العربية على اليميين كنت بسأل على حاجة .. لاقيت العربية قاعدت تترج وكانت عاوزة تبطل ... روحت شادد الشفاط سنة .. زبطت شوية
وبعد كده روحت مشيت بيها عادي .. وفي اي مطب او تهدية او زحمة بلاقي العربية راحت مبطلة لوحدها !!!

بصراحة مش عارف في ايه .. مع العلم اني اساسا ماكنتش بشغل الشفاط .. ولا دلوقتي ولا من ساعة ماركبته ، وعمر العربية ماعملت معايا كده من ساعتها ... !!!!!

المهم تاني يوم .. بعد الشغل .. ركبت العربية وسخنتها .. وشغل التكييف .. ومافيش حاجة .. لاكن بعد نص ساعة تقريبا لما مؤشر الحرارة جي على النص .. بدأت العربية تبطل مني تاني !!!
ريحت دماغي ساعتها .. وروحت قافلها .. وقلت لما أسالكم تفيديوني ....

ليه بقا بيحصل معايا كده .. واشمعنى دلوقتي .. مش من ساعتها ؟؟؟!!!!

للعلم العربية عاملة 13000 كيلو .. بقالها معايا سنة ونص .

وشكراااا

المشاركة الأصلية كتبت بواسطة lidosasa

بص أنا ركبته على ابلاتين وكوندينسر عادى لكن بعد البحث والقراءة لقيت إن الأبلاتين مش حيستحمل وحيدلع بسرعة جداً لأن الفولت الخارج من الموبينة العادية 24 ألف واللى خارج من الإلكترونى 45 ألف والأبلاتين العادى مش حيستحمل الفرق الكبير ده وحيلدع بسرعة فأنا شوية كده وحشوف يا إما أغير الأبلاتين والكونديسنر العادى بإلكترونى أو إنى أغير الإسبراتير كله لإلكترونى حسب الظروف .
واللى متعلم عليه بالأزرق ده غالباً حيكون هو السبب فى مشكلتك .... بعد الوصف الجديد للمشكلة اللى قريته فى مشاركتك فممكن يكون المشكلة فى السوليند اللى متعلم عليه بالدايرة الزرقا واللى مهمته زيادة دفق الهوا والوقود ( أتوماتيك ) للكربراتير فى حالة تشغيل التكييف عشان العربية متفصلش على السلانسيه ....
وأسف على التأخر فى الرد كالعادة الكهربة كانت قاطعة :t_thum1[1]:

تمام .. اذا من الواضح ان احنا كده بعيدنا عن مشكلة الموبينة ,,, صح ولا ايه ؟؟
اذا فياريت حضرتك تقولي ايه الخطوة اللي انا المفروض اخوضها ؟؟
وايه سبب عطل او حدوث مشكلة في السوليند .. وما الحل ؟؟

وشكرااااا