للاسف بعت الماروتي

**mrghost** · 19-08-2014 09:14 AM

السلام عليكم ورحمة الله وبركاته
للاسف تم بيع الماروتي امس ومن ساعتها والبيت كله زعلان كأنها واحد مننا

ربنا يبارك فيها للمشتري
بس بإذن الله والدى ناوي يجيب التو يعني هنفضل فى القسم بإذن الله

**غزلة** · 19-08-2014 09:29 AM

ربنا يعوضك خير

**lidosasa** · 19-08-2014 12:09 PM

أنا كنت حبيع عربيتى الماروتى ولله الحمد متوفر فلوس أشترى حاجة أعلى ( لانوس أو أكسنت ) وكنت منزل إعلانات ليها على النت http://www.nilemotors.net/Nile/432538-a.html
وجالى ناس كتير جداً أتفقت مع واحد منهم وأستخرت الله أنا ومراتى ورحت تانى يوم أبيع وكتبنا العقد ورحت الشهر العقارى عشان أعمله توكيل موظف الشهر العقارى قالى لازم تعمل التوكيل فى نفس مكتب الشهر العقارى اللى أنا شارى بيه العربية ( المنتزه فى إسكندرية ) .......... مقولتش حتى ليه وفرحت وخرجت قطعت العقد والمشترى كان عايز يروح تانى يوم معايا نعمل التوكيل بس أعتذرت ليه وكان راجل محترم ومتفهم جداً لرغبتى فى الإحتفاظ بالعربية بعد صلاة الاستخارة وبعد ما حسيت بغلاوة العربية عندى وهى خلاص بتفارقنى ....رجعت البيت قلت لمراتى العربية اتباعت لقته زعلت ولما حكيت ليها اللى حصل فرحت جداً وقالتلى توتة أصيلة وعمرها ما زعلتنا