الموضوع: رابطة ملاك البولونيز

صباح الخير
انا عملت الموضوع ده بعد مالقيت الموضوع بتاع البولونيز المظلومه محدش بقي بيشارك فيه وكنت عايزين نتجمع تاني وكان في افكار عايزين نعملها مع بعض ان شاء الله لو قيت تفاعل في الموضوع هنقول عليها
واحب اعرفكم بنفسي

حسام حسن
بولونيز 89

المشاركة الأصلية كتبت بواسطة elafande

المميزات /
.. رخيصة
.. قطع غيارها رخيصة و متوفرة
.. ممكن تعدل فيها براحتك من غير قلق انك هتبوظ حاجة زي مثلا اني شلت الغطا اللي في الشانطة و عملته خشب اسود وركبت عليه سماعات
.. السحب بتاعها حلو جدا لما تقارنة بـ ( اسبرانزا .. فيرنا .. كل الفيات .. الشاهين )
.. سريعة بالنسبة لسعرها و انها قديمة ( جبت ١٣٠ مع ان العربية متهالكة )
.. عالية .. بتعدي المطبات من غير ما تموج بالورب .. ولو كلت مطب ما تحسش اوي
.. واسعة جدا .. وعملية جدا لو حد بيتاجر او اسرته كبيرة

العيوب /
.. زي اي عربية قديمة هتحتاج صيانة كل شوية لو ما شدتهاش ف الاول من كله
.. ف الشتا العربية ما بتشتغلش الصبح
.. العفشة عندي صرفت عليها كتير ومفيش فايدة بتحدف
.. تكييفها سخن فقط .. و بتبقا ناااار فالصيف
.. شكلها الخارجي مش جذاب :-)

من الاخر هي عربية كويسة لـ
.. حد لسه بيسوق جديد و عاوز يتعلم فيها لفترة ويغير
.. حد بينقل بضاعة كتير ( صيدلي .. موزع .. بقال )
.. حد من الطبقة المتوسطة عاوز عربية في حدود ١٢ ألف ( احسن من غيرها )

بالنسبة لموضوع لحراره ده انا كنت بعاني منه بس حليته من يومين
روحت للسروجي وغيري الكوتشه اللي بتبقي فوف الفتيس عشان تمنع الحراره وعملي لباد ورا التابلوه والحراره مانعت خالص
وموضوع الحدفه ده انا مش موجود عندي
وبالنسبة للشكل بيتظبط
وايوا بقي كده عايزين نحي الموضوع