اضافة زيت الباور على زيت الباكم

**gergeslotfy** · 20-08-2014 12:41 AM

ايه يحصل لو حد بدل ما يزود زيت الباكم بزيت باكم زوده بزيت باور
يعنى بكل بساطه كان عندى زيت الباكم ناقص شوية رحت اشتريت زيت باور وزودته لانىكنت فاكر انه ده زيت الباور مش الباكم
وقتها محصلش حاجه بس دلوقتى بسمع صوت نحره فى الفرامل هل النحر ده عيب تيل الفرامل او الاسطوانه ولا الماستر اتأثر من اضافه زيت الباور
ولكم جزيل الشكر

**amoor89** · 20-08-2014 03:22 AM

زى ما المثل بيقول ده حمادة وده حمادة تانى خالص
حضرتك كل زيت وليه خواصه مينفعش نبدل
هتروح للميكانيكى بتاعك وتقوله على اللى حصل وهو هيعمل الأتى هينزل الزيت كله من مساتر العجل الأربعة وهيضيف زيت جديد وهينزله تانى بنفس الطريقة لغية ميلاقى الزيت اللى نازل نضف من بواقى زيت البور وبعدين يضيف زيت تانى وياخد هوا من الاربع عجلات وان شاء الله الدنيا تظبط
بس اهم حاجة متكونش مشيت كتير بالعربية كده

**ahmedfouad** · 20-08-2014 09:15 AM

غير الزيت مفيش حاجة

**elpasha1** · 20-08-2014 10:36 AM

لازم الزيت ينزل لان الفرامل ممكن تروح فى لحظة

**modyegypt** · 20-08-2014 12:51 PM

طبعا الماستر هيبوط
بعد اد ايه الله اعلم على حسب الكمية اللى زودتها
المهم
روح شيل الزيت عند مكيانبكى او عفشجى الكل هيعرف وبسرعة قيل ما تروح الفرامل

**waga** · 20-08-2014 05:17 PM

زيت الباور اخف في الكثافه من زيت الباكم وغالبا هتلاقيه علي السطح
ممكن بدل ما تروح الميكانيكي ويلعب في الماستر انك تجيب سرنجه من الاجزخانه وتسحب
الزيت من القربه البلاستيك الصغيره اللي انت بتزود منها لغايه تقريبا لما تفضي
وبعدين حط زيت باكم
كده الغلط مردود ....بس خلاص

**aelmohamady** · 20-08-2014 07:31 PM

مع احترامى لحضرتك ده غلط ولازم تفضى الزيت خالص وتحط زيت جديد

Sent from my samsung GT-I9152 using Forum Runner

**gergeslotfy** · 20-08-2014 10:29 PM

انا زودت حوالى 50 ملل وسؤالى كان ايه المشكلة واعتقد كل الردود جاءت مرعبه الماستر يبوظ والفرامل تروح لكن مفيش رد بيقول التأثير العلمى للمزج بين الزيتين
انا زودت بالغلط والكلام ده من فتره كبيره يمكن اكتر من 4 شهور واعتقد صوت النحر اللى بيسمعه مش من الماستر بيكون من العجل

**waga** · 20-08-2014 11:24 PM

المشاركة الأصلية كتبت بواسطة gergeslotfy

انا زودت حوالى 50 ملل وسؤالى كان ايه المشكلة واعتقد كل الردود جاءت مرعبه الماستر يبوظ والفرامل تروح لكن مفيش رد بيقول التأثير العلمى للمزج بين الزيتين
انا زودت بالغلط والكلام ده من فتره كبيره يمكن اكتر من 4 شهور واعتقد صوت النحر اللى بيسمعه مش من الماستر بيكون من العجل

يا عزيزي انت قريت مشاركتي ؟؟؟؟

انا برضه قلت الماستر ها يبوظ من مزيج الزيت ؟؟؟
ولا انا قلت تغير زيت مش ها ياثر
انا قلت اللعب في الماستر وتفريغ الزيت كله هو اللي نتيجته مش مضمونه
خصوصا لو كان الصنايعي حمار
!!! يعني مش اللي انت عملته اللي ها يبوظ الماستر لا
والتاثير العلمي انا قلته انه في زيت كثافته اخف فسيطفو علي السطح فوق
ولو حضرتك قرأت شويه في موضوع الباكم ها تعرف انه انت ما عملتش غلطه كبيره ولا حاجه

**gergeslotfy** · 21-08-2014 11:13 AM

تمام حضرتك اتكلمت بشكل منطقى وعلمى واستفدت من معلومتك ان زيت الباور كثافته اقل بس السؤال لسه مطروح
ايه اضرار زيت الباور على الماستر وايه اختلاف الخواص ما بين الزيتين